தனுஷ் தற்போது வெற்றிமாறன் இயக்கத்தில் 'அசுரன்' படத்திலும், துரை செந்தில்குமார் இயக்கத்திலும் நடித்து வருகிறார். இதுதவிர மாரி செல்வராஜின் இயக்கத்திலும், ராம்குமார் இயக்க இருக்கும் படத்திலும் நடிக்கவுள்ளார். இதில் 'அசுரன்' அக்டோபர் 4ஆம் தேதி வெளியாக உள்ளது.
இந்நிலையில், இயக்குநர் கார்த்திக் சுப்புராஜ் இயக்க உள்ள புதிய படத்தில் நடிக்க தனுஷ் ஒப்புக்கொண்டுள்ளார். கார்த்திக் சுப்புராஜ் இயக்கும் இந்தப் படத்தை ஒய் நாட் ஸ்டுடியோஸ் சார்பில் சசிகாந்த் தயாரிக்கிறார். இப்படத்தில் தனுஷூக்கு ஜோடியாக மலையாள நடிகை ஐஸ்வர்யா லட்சுமி ஒப்பந்தமாகியுள்ளார்.
விரைவில் இப்படத்தின் படப்பிடிப்பு தொடங்க உள்ள நிலையில், தற்போது இந்த படத்தில் பிரபல மலையாள நடிகர் ஜோஜு ஜார்ஜ் இணைந்துள்ளார். இந்தப் படத்தின் மூலம் ஜோஜு ஜார்ஜ் முதல் முறையாக தமிழில் அறிமுகமாக உள்ளார். சமீபத்தில் அறிவிக்கப்பட்ட தேசியவிருதில் நடுவர்களின் சிறப்பு விருது 'ஜோசாப்' என்ற படத்திற்காக ஜோஜூ ஜார்ஜுக்கு கிடைத்தது குறிப்பிடத்தக்கது.
