சென்னை: தனுஷ் நடிப்பில் உருவாகிவரும் கர்ணன் மேக்கிங் வீடியோவை படக்குழுவினர் வெளியிட்டுள்ளனர்.
தனுஷின் பிறந்தநாளை முன்னிட்டு கர்ணன் படத்தின் டைட்டில் லுக் வெளியிடப்பட்ட நிலையில், போனஸாக படத்தின் மேக்கிங் வீடியோவும் வெளியிடப்பட்டுள்ளது.
ராஜ மேளம் முழங்க கர்ணன் வாழும் அழகிய கிராமத்தை உருவாக்கியது எப்படி என்பதை விளக்கும் விதமாக 3 நிமிட மேக்கிங் வீடியோவில் காட்சிகள் இடம்பெற்றுள்ளன. வீடு, ஊரைச் சுற்றி பசுமையான மரங்கள் என கிராமத்தை முழுவதுமாக செட் அமைத்து செதுக்கியுள்ளனர்.
'கர்ணன் கொடுப்பவன் இல்லை, உரிமைகளைக் கேட்பவன்' என்று படம் குறித்து இயக்குநர் மாரி செல்வராஜ் கூறியது போல், இந்தச் சிறிய கிராமத்தின் உரிமைகளை உரக்க கேட்பவனாக தனுஷ் தோன்றுவார் எனத் தெரிகிறது.
- " class="align-text-top noRightClick twitterSection" data="">
படத்தின் டைட்டில் லுக்கில் கூர்மையான வாள் மீது ஆண், பெண் என பலரது கைகள் ஒன்றுகூடி பிடித்திருக்குமாறு அமைந்திருந்த நிலையில், மேக்கிங் வீடியோவிலும் இறுதியில் கூர்மையான வாளுடன் தனுஷ் வருவது போல் முடிந்துள்ளது.
இதையும் படிங்க: இந்தியப் படமாக வெளியாகும் தல நடிக்கும் 'வலிமை'
