எச்.வினோத் இயக்கத்தில் நடிகர் அஜித் நடித்துள்ள திரைப்படம் 'வலிமை'. அஜித்துக்கு ஜோடியாக பாலிவுட் நடிகை ஹூமா குரேஷியும், வில்லனாக தெலுங்கு நடிகர் கார்த்திகேயாவும் நடித்துள்ள இப்படத்திற்கு ரசிகர்களிடையே எதிர்பார்ப்பு எகிறியுள்ளது.
படத்தின் இறுதிக்கட்ட பணிகள் நிறைவுற்று பொங்கலுக்கு வெளியிடப்படவிருந்தது. பின்னர் கரோனா பரவல் காரணமாக "வலிமை" வெளியீடு ஒத்திவைக்கப்படுவதாக தயாரிப்பாளர் போனி கபூர் அறிவித்தார்.
ஏற்கனவே இத்திரைப்படத்தின் மோஷன் போஸ்டர், பாடல்கள் ஆகியவை படக்குழுவினரால் வெளியிடப்பட்டு நல்ல வரவேற்பை பெற்றது. சமீபத்தில் வெளியான 'வலிமை' ட்ரெய்லர் இணையத்தையே கலக்கியது.
இந்நிலையில் "வலிமை" திரைப்படத்தில் இடம் பெற்றுள்ள அம்மா பாடல் யூ - ட்யூப்பில் 1 கோடி(10 மில்லியன்) பார்வையாளர்களை கடந்து சாதனை படைத்துள்ளது. இதனால் அஜித் ரசிகர்கள் பெரும் மகிழ்ச்சியில் உள்ளனர்.
இதையும் படிங்க: ஆஸ்கர் அகாடெமி சேனலில் ஜெய் பீம்..! : ஆஸ்கர் சேனலில் திரையிடப்படும் முதல் தமிழ் திரைப்படம்
