மாஸ்டர் பட வெற்றியைத் தொடர்ந்து நடிகர் விஜய் நடிப்பில் உருவாகிவரும் திரைப்படம், 'பீஸ்ட்'. நெல்சன் இயக்கிவரும் இப்படத்தை சன் பிக்சர்ஸ் நிறுவனம் தயாரித்துவருகிறது.
நாயகியாக பூஜா ஹெக்டே நடிக்க இயக்குநர் செல்வராகவன், யோகி பாபு, விடிவி கணேஷ் உள்ளிட்டோர் முக்கிய கதாபாத்திரங்களில் நடித்துவருகின்றனர்.
ஏற்கனவே படத்தின் மூன்று கட்ட படப்பிடிப்பு நிறைவடைந்த நிலையில், நான்காம் கட்ட படப்பிடிப்பு டெல்லியில் நடைபெற்றுவருகிறது.
இந்நிலையில் 'பீஸ்ட்' படத்தின் படப்பிடிப்பு தொடங்கிய நாள் முதல், ஷுட்டிங் புகைப்படங்கள் வெளியான வந்த வண்ணம் உள்ளன. சமீபத்தில் கூட படத்தின் படப்பிடிப்பிற்காக விஜய், டெல்லி சென்ற புகைப்படங்கள் வெளியானது.
அந்தவகையில் நேற்று (அக்.20) பீஸ்ட் படத்தின் மற்றொரு ஷுட்டிங் புகைப்படங்கள் லீக்கானது. அதில் விஜய் வெள்ளை சட்டை அணிந்து ரத்த கறையுடன், மாலில் இருந்து வெளியேறுவது போல் உள்ளது.
தொடர்ந்து 'பீஸ்ட்' படத்தின் படப்பிடிப்பு புகைப்படங்கள் வெளியாகுவதால் படத்தின் இயக்குநர் அதிருப்தி அடைந்துள்ளதாகத் தகவல் வெளியாகியுள்ளது.
இதையும் படிங்க: தீபாவளி விடுமுறையைக் குறிவைத்த 'எம்ஜிஆர் மகன்'
