'டெடி' திரைப்படத்தின் வெற்றியைத் தொடர்ந்து நடிகர் ஆர்யா (Arya), இயக்குநர் சக்தி சௌந்தர்ராஜன் மீண்டும் ஒரு புதிய திரைப்படத்தில் இணைந்துள்ளனர்.
படத்தின் முதல்கட்டப் படப்பிடிப்பு விரைவில் முடிவடையவுள்ள நிலையில் இரண்டாம் கட்டப்படப்பிடிப்பிற்காக படக்குழு வட இந்திய பகுதிகளுக்குச் செல்லவுள்ளனர். இதில் நடிகை சிம்ரன், ஐஸ்வர்யா லட்சுமி, தியாகராஜன், காவ்யா ஷெட்டி, ஹரிஷ் உத்தமன், கோகுல், பரத் ராஜ் உள்ளிட்டோர் முக்கியப் பாத்திரங்களில் நடிக்கின்றனர்.
இந்நிலையில் 'கேப்டன்' எனப்பெயரிடப்பட்டுள்ள இப்படத்தின் ஃபர்ஸ்ட் லுக் போஸ்டர் (Captain First Look) வெளியாகியுள்ளது.
கேப்டன் என்பது மிக முக்கியமான பொறுப்பு
இதுகுறித்து இயக்குநர் சக்தி சௌந்தர்ராஜன் (sakthi soundarajan) கூறுகையில், "கேப்டன் எனும் தலைப்பு நேர்த்தியானது. நிஜத்தில் பல விஷயங்களில் மிகப்பெரும் மதிப்பைக் கொண்டிருக்கும் தலைப்பு இது.
ஒரு விளையாட்டுக் குழுவில் ஆரம்பித்து, சமூகத்தின் எந்த ஒரு குழுவிலும், கேப்டன் எனும் பொறுப்பு மிக முக்கியமானது. அது வெறும் தலைமை என்கிற இடம் கிடையாது.
மொத்தக் குழுவையும் வழி நடத்திச் செல்லும் கடமை கொண்ட, மிக முக்கியமான பொறுப்பு. இது அப்படியே படத்தில் ஆர்யா ஏற்றிருக்கும் பாத்திரத்திற்கும் கச்சிதமாகப் பொருந்தும். தலைப்பு ஒரு படத்திற்கு மிகவும் முக்கியம்.
அதுதான் ரசிகர்களைப் படம் நோக்கி ஈர்க்கும் மிக முக்கியமான கருவி, அதிலும் ஓடிடி தளங்கள் ஆதிக்கம் செலுத்தும் இந்த காலத்தில் திரைப்படங்கள் மொழி, நாடு, இன எல்லைகளைக் கடந்து உலகின் பல முனைகளுக்கும் எளிதாகச் சென்று சேர்கிறது. எல்லாவற்றையும் தாண்டி இந்தக் கதையும், களமும் இந்த தலைப்புக்கு 100 விழுக்காடு பொருத்தமானது என்பதை நிரூபிக்கும்' எனக் கூறியுள்ளார்.
-
Once again teaming up with My Favourite Person, Director nd brother @ShaktiRajan for #Captain @immancomposer sir Magic 😍😍 with @madhankarky brother @ThinkStudiosInd @SimranbaggaOffc @AishuLekshmi @IAmKavyaShetty @DopYuva @moorthy_artdir @PradeepERagav pic.twitter.com/JZebLwebJo
— Arya (@arya_offl) November 18, 2021 " class="align-text-top noRightClick twitterSection" data="
">Once again teaming up with My Favourite Person, Director nd brother @ShaktiRajan for #Captain @immancomposer sir Magic 😍😍 with @madhankarky brother @ThinkStudiosInd @SimranbaggaOffc @AishuLekshmi @IAmKavyaShetty @DopYuva @moorthy_artdir @PradeepERagav pic.twitter.com/JZebLwebJo
— Arya (@arya_offl) November 18, 2021Once again teaming up with My Favourite Person, Director nd brother @ShaktiRajan for #Captain @immancomposer sir Magic 😍😍 with @madhankarky brother @ThinkStudiosInd @SimranbaggaOffc @AishuLekshmi @IAmKavyaShetty @DopYuva @moorthy_artdir @PradeepERagav pic.twitter.com/JZebLwebJo
— Arya (@arya_offl) November 18, 2021
நடிகர் ஆர்யா குறித்து இயக்குநர் கூறுகையில், "தான் ஏற்கும் பாத்திரங்கள் அனைத்திலும், தன் உயிரைக்கொடுத்து, உழைக்கும் நடிகர் ஆர்யா பற்றி நான் என்ன கூறுவது.
அவரின் நடிப்புத் திறமை குறித்து ஊரே அறியும். 'கேப்டன்' படத்தைப் பொறுத்தவரை இப்பாத்திரத்தின் மேல் முழு நம்பிக்கை வைத்து முழு அர்ப்பணிப்பையும் தந்தால் மட்டுமே அதற்கான பலன் கிடைக்கும்.
அதனை ஒவ்வொரு படத்திலுமே மாறாமல் செய்து வருகிறார், ஆர்யா. இந்த திரைப்படம் இப்போது இருக்கும் ரசிகர் வட்டத்தைத் தாண்டி, பல மொழிகளிலும் அவரது ரசிகர் வட்டத்தைப் பெருக்கும்" என்றார்.
இதையும் படிங்க: 'தேள்' எனக்கு வித்தியாசமான அனுபவம் - நடிகர் பிரபுதேவா
