தெலுங்கு நடிகர் அல்லு அர்ஜுன் தனக்கு கரோனா தொற்று உறுதி செய்யப்பட்டுள்ளதாக தெரிவித்துள்ளார். இதையடுத்து அவர் தன்னை வீட்டில் தனிமைப்படுத்திக் கொண்டுள்ளார்.
தனது ஆரோக்கியம் குறித்து ரசிகர்கள் யாரும் கவலைப்பட வேண்டாம் என தனது இன்ஸ்டாகிராம் பக்கத்தில் தெரிவித்துள்ளார். மேலும் தான் நலமாக இருப்பதாகவும் கூறியுள்ளார்.
இதுகுறித்து பதிவிட்ட அவர், "எனக்கு கரோனா தொற்று உறுதியாகியுள்ளது. இதையடுத்து நான் வீட்டில் தனிமைப்படுத்திக்கொண்டுள்ளேன். அனைத்து நெறிமுறைகளையும் பின்பற்றி வருகிறேன். என்னுடன் தொடர்பில் இருந்த அனைவரும் கரோனா பரிசோதனை செய்துகொள்ளுமாறு கேட்டுக்கொள்கிறேன்.
வீட்டிலேயே பாதுகாப்பாக இருங்கள், வாய்ப்பு கிடைத்தால், தடுப்பூசி செலுத்திக்கொள்ளுங்கள்." என தெரிவித்துள்ளார்.
தற்போது அல்லு அர்ஜுன் 'AA21' திரைப்படத்தில் நடித்து முடித்துள்ளார். ஆக்சன், திரில்லர் படமான புஷ்பா திரைப்படத்திலும் நடித்து வருகிறார்.
இதையும் படிங்க: ராஜமௌலியின் ஆர்ஆர்ஆர் பட வெளியீடுத் தேதி மாற்றம்?
