நிவாரண பொருள்களை அனுப்பி வைத்த ரஜினிகாந்த்திற்கு ததிஇச நன்றி

சென்னை: நாடெங்கும் மக்கள் ஊரடங்கில் பாதிக்கப்பட்டுள்ள நிலையில் திரைத்துறையில் இருக்கும் கலைஞர்களும் வெகுவாக பாதிக்கப்பட்டுள்ளனர். இந்நிலையில் நலிந்த கலைஞர்களுக்கு நடிகர் ரஜினிகாந்த் 24 டன் நிவாரண பொருள்களை இரண்டு லாரிகளில் அனுப்பி வைத்தார். அதனை பெற்றுக்கொண்ட தமிழ்நாடு திரைப்பட இயக்குனர்கள் சங்கத்தினர் நன்றி தெரிவித்துள்ளனர்.

இயக்குநர் சங்கத்தில் உறுப்பினர்களாக இருக்கும் நலிந்த கலைஞர்களுக்கு நடிகர் ரஜினிகாந்த் 24 டன் எடையுள்ள நிவாரண பொருள்களை இரண்டு லாரிகளில் இயக்குநர் சங்கத்திற்கு அனுப்பி வைத்தார்.

ஒவ்வொருவருக்கும் 10 கிலோ அரிசி, மளிகை பொருள்கள் அடங்கிய இரண்டு பைகள் வழங்கப்பட உள்ளன. ஊரடங்கின் காரணமாக பாதிக்கப்பட்டிருக்கும் தமிழ்நாடு திரைப்பட இயக்குநர் சங்க உறுப்பினர்களின் வாழ்வாதாரத்தை மனதில் வைத்து அரிசி மூட்டைகள், மளிகைப் பொருள்களை அனுப்பிவைத்த நடிகர் ரஜினிகாந்துக்கு இயக்குநர் சங்கம் நன்றிகளை தெரிவித்துள்ளது.

இயக்குநர் சங்கம் நன்றி தெரிவித்து நோட்டீஸ்

இதையும் படிங்க... ஃபெப்சி தொழிலாளர்களுக்கு ரூ.50 லட்சம் வழங்கிய ரஜினிகாந்த்!