ஃபீட் அப் வித் ஸ்டார்ஸ் சீசன் 2 என்ற இணைய கலந்துரையாடல் நிகழ்ச்சியில் கலந்து கொண்ட நடிகை டாப்ஸி, தனது விருப்பங்கள் குறித்து நிகழ்ச்சி தொகுப்பாளர் அனைதாவிடம் பகிர்ந்து கொண்டுள்ளார்.
அப்போது அவர், பிரபல பாலிவுட் நடிகை ஜாக்குலின் பெர்னாண்டஸ், தன்னுடைய பக்கத்து வீட்டுக்காரராக இருந்தால், அவரிடமிருந்து முதலில் போல்-டான்சிங் (Pole dancing) என்ற நடனத்தை கற்றுக்கொள்வேன் என தெரிவித்தார்.
மேலும், பிரபல பாலிவுட் இயக்குநரான அனுராக் காஷ்யப்பின் சிறந்த தோழியாக விரும்புகிறேன். பின் அவருடன் சேர்ந்து ஹாலிவுட் பார்ட்டிகளில் கலந்துகொள்ள வேண்டும். இதுவே தனது வாழ்வின் இறுதி ஆசையாக இருக்கும் என அவர் தெரிவித்தார்.
நடிகை டாப்ஸி, இயக்குநர் அனுராக் காஷ்யப்பின் இயக்கத்தில் உருவாக உள்ள த்ரில்லர் படத்தில் நடிக்க ஒப்பந்தமாகி உள்ளார். முன்னதாக அவர் 2018ஆம் ஆண்டு அனுராக் இயக்கத்தில் வெளியான மன்மார்சியன் என்ற பாலிவுட் நகைச்சுவை படத்தில் நடித்திருந்தார்.
தற்போது டாப்ஸி உத்தரப்பிரதேசத்தைச் சேர்ந்த வயதான இரண்டு துப்பாக்கிச்சுடும் வீராங்கனைகள் குறித்த கதையான 'சாந்த் கி ஆன்க்' என்ற திரைப்படத்தில் நடித்துவருகிறார்.
