நடிகை தீபிகா படுகோனே பாலிவுட்டில் 2007ஆம் ஆண்டில் ஃபரா கான் குந்தர் இயக்கத்தில் ஷாரூக்கானின் நடிப்பில் வெளியான 'ஓம் சாந்தி ஓம்' படத்தில் 'சாந்தி ப்ரியா' என்ற கதாபாத்திரத்தின் மூலம் அறிமுகமானர். இப்படம் மாபெரும் வெற்றி பெறவே தீபிகா அடுத்தடுத்து முன்னணி பிரபலங்களின் படங்களில் நடிக்க ஒப்பந்தம் செய்யப்பட்டு தற்போது பாலிவுட்டில் முன்னணி நடிகைகளில் ஒருவராகவும் வலம் வருகிறார்.
இதனையடுத்து இப்படம் வெளியாகி 13 ஆண்டுகள் நிறைவடைந்த நிலையில், தீபிகா தனது சமூகவலைதளப் பக்கத்தில் சாந்தி ப்ரியா என பெயர் மாற்றியுள்ளார். அதுமட்டுமல்லாது 'ஓம் சாந்தி ஓம்' படப்பிடிப்பின்போது எடுக்கப்பட்ட புகைப்படங்களையும் பகிர்ந்துள்ளார். இந்த புகைப்படங்கள் தற்போது சமூகவலைதளத்தில் ரசிகர்களால் அதிகம் பகிரப்பட்டுவருகிறது.
