கபில் தேவ் தலைமையில் கடந்த 1983ஆம் ஆண்டு இந்திய கிரிக்கெட் அணி, உலக கோப்பை வென்றது. இதை '83' என்ற பெயரில் கபீர் கான் இயக்கிவருகிறார். இத்திரைப்படத்தில் கபில் தேவ் கதாபாத்திரத்தில் பாலிவுட் நடிகர் ரன்வீர் சிங் நடிக்க, அவரது மனைவி கதாபாத்திரத்தில் அவரது மனைவி தீபிகா படுகோன் நடித்துவருகிறார். இப்படத்தின் பரஸ்ட் லுக் போஸ்டர் கடந்த சில மாதங்களுக்கு முன்பு வெளியாகி நல்ல வரவேற்பைப்பெற்றது.
இப்படத்தில் தமிழ்நாட்டைச் சேர்ந்த கிரிக்கெட் வீரர் ஸ்ரீகாந்த் வேடத்தில் நடிகர் ஜீவா நடித்துள்ளார். இந்த நிலையில் சமீபத்தில் இப்படத்தின் தமிழ் பரஸ்ட் லுக் போஸ்டர் வெளியீட்டு விழா சென்னையில் நடைபெற்றது. அந்நிகழ்ச்சியில் ரன்வீர் சிங், ஜீவா, படத்தின் இயக்குநர் கபீர் கான், கபில் தேவ் உள்ளிட்டோர் கலந்து கொண்டனர். அதில் ரன்வீர் சிங், ஜீவனுடன் இணைந்து நடனமாடி அசத்தியிருந்தார். மேலும் அப்போது எடுக்கப்பட்ட புகைப்படங்களை ரன்வீர் சிங் தனது இன்ஸ்டாகிராம் பக்கத்தில் வெளியிட்டார்.
அப்புகைப்படங்களை கண்ட தீபிகா, 'சென்னையில் இருந்துவரும் போது 1 கிலோ ஸ்ரீ கிருஷ்ணா மைசூர் பாகு மற்றும் ஹாட் சிப்ஸ் ஹோட்டலில் இருந்து 2 1/2 கிலோ உருளைக்கிழங்கு சிப்ஸ் வாங்காமல் திரும்பி வராதீர்கள்' என்று நகைச்சுவையாக கமெண்ட் செய்துள்ளார். இதைக் கண்ட நெட்டிசன்கள், 'உங்களுக்கு இதை சொல்ல வேற இடமே கிடைக்கலையா, கமெண்டில் வந்து அனைவரும் பார்க்கும்பாடி பதிவு செய்கிறீர்கள்' என்று கலாய்த்துள்ளனர்.
இதையும் படிங்க: மலையாள நடிகை ஷ்ரிதா சிவதாஸின் லேட்டஸ்ட் க்ளிக்ஸ்!
