மாருதி சுசுகி 2020இல் டீசல் கார் விற்பனையை நிறுத்த முடிவு

டெல்லி: மாருதி சுசுகி நிறுவனம் 2020ஆம் ஆண்டு ஏப்ரல் மாதம் 1ஆம் தேதி முதல் தனது டீசர் கார் விற்பனையை நிறுத்த முடிவு செய்துள்ளது.

இந்தியாவின் மிகப்பெரிய கார் உற்பத்தி மற்றும் விற்பனை நிறுவனமான மாருதி சுசுகி இந்தியா லிமிடெட் தனது டீசல் கார் விற்பனையை 2020ஆம் ஆண்டு ஏப்ரல் 1ஆம் முதல் நிறுத்துவதாக தெரிவித்துள்ளது.

டீசல் வாகனங்கள் ஏன் நிறுத்தம்?

• டீசலானது பெட்ரோல் இன்ஜினை விட அதிகளவு மாசை ஏற்படுத்தி சுற்றுப்புறச் சூழலை அதிகளவு பாதிக்கிறது.
• பெட்ரோல், டீசல் விலையில் பெரிய மாற்றம் ஏதும் இல்லாதது, வாடிக்கையாளர்களிடையே டீசல் கார் மீதான ஈர்ப்பு குறைந்தது.
• டீசல் வாகனம் நிறுத்தத்திற்கு மிக முக்கியக் காரணம், BS-VI விதிமுறைகள் 2020ஆம் ஆண்டு ஏப்ரல் 1ஆம் தேதி அமலுக்கு வருவதே. அந்த விதிமுறைகளுக்கு உட்பட்டு டீசல் இன்ஜின் தயாரிக்கும்போது செலவு அதிகரிக்கும்.

இதேபோல் சூப்பர் கேரி வாகனமும் நிறுத்தப்படுவதாக ஏற்கனவே மாருதி சுசுகி அறிவித்திருந்தது குறிப்பிடத்தக்கது.