ஆயுதக்கடத்தல் வழக்கில் கைது செய்யப்பட்டு திகார் சிறையில் அடைக்கப்பட்டிந்த கைதி நபீரின் சிறை தண்டனை கடந்த புதன்கிழமையுடன் முடிவடைந்தது.
இதனையடுத்து நபீர் டெல்லியில் உள்ள கர்கர்டூமா நீதிமன்றத்தில் ஆஜர்படுத்தப்பட்டார். அப்போது நீதிபதி ரிச்சா பரஷார் முன்னிலையில் நபீர் தன் சட்டையைக் கழற்றி தன் முதுகில் இருந்த 'ஓம்' என்ற தழும்பைக் காண்பித்துள்ளார்.
மேலும், சிறைச்சாலைக்குள் தான் தாக்கப்பட்டதாகவும், கண்காணிப்பாளர் இரும்பைக் காய்ச்சி பலவந்தமாக தன் முதுகில் 'ஓம்' வைத்ததாகவும் அவர் குற்றம்சாட்டினார்.
இதைக்கேட்டு அதிர்ச்சியடைந்த நீதிபதி, அடுத்த 24 மணி நேரத்தில் இது குறித்து விசாரித்து அறிக்கை அளிக்குமாறு சிறைத் துறை காவல் உயர் அலுவலர்களுக்கு உத்தரவிட்டார்.
