சியோல்: கடந்த ஆண்டு வெளியாகி பெரும் வரவேற்பை பெற்ற தென் கொரிய தொடரான 'ஸ்குவிட் கேம்' இல் 'பிளேயர் 001' எனும் கதாப்பதிரமாக அறியப்படும் கொரிய நடிகர் ஓ யோங்-சு, தன்னை பாலியல் சீண்டல் செய்ததாக் பெண் ஒருவர் குற்றஞ்சாட்டி புகார் அளித்துள்ளார்.
வட கொரியாவில் உள்ள கேசோங்கில் 1944 இல் பிறந்தவர் நடிகர் ஓ யோங்-சு(78). பிறந்த சில ஆண்டுகளுக்கு பின்னர் தென் கொரியாவிற்கு குடியேறினார். இந்நிலையில் ஓ யோங்-சு மீது கடந்த 2017-ம் ஆண்டில் தன்னை தகாத முறையில் தொட்டு பாலியல் சீண்டல் செய்ததாக குற்றம்சாட்டி ஒரு பெண், புகார் அளித்துள்ளார்.
இந்த புகாரானது 2021-ம் ஆண்டு டிசம்பர் மாதம் அளிக்கப்பட்ட நிலையில், கடந்த ஏப்ரல் மாதம் எவ்வித குற்றச்சாட்டுகளும் இன்றி முடித்து வைக்கப்பட்டது. ஆனால் தற்போது பாதிக்கப்பட்டவரின் வேண்டுகோளை ஏற்று மீண்டும் விசாரணைக்கு எடுக்கப்பட்டத்தாக கூறப்படுகிறது.
இருப்பினும் இந்த வழக்கு விசாரணையின் போது நடிகர் ஓ யோங்-சு , “வழி காட்டுவதற்காக நான் அவளுடைய கையைப் பிடித்தேன், அப்பொழுதே நான் மன்னிப்புக் கேட்டேன்” என கூறி அனைத்து குற்றச்சாட்டுகளையும் மறுத்துள்ளார். 38 வது இணையானது பிரிக்கும் புவியியல் எல்லையாக தேர்ந்தெடுக்கப்பட்ட பிறகு அவர் கொரியாவின் தெற்கு பகுதிக்கு சென்றார்.
ஓ யோங்-சு கடந்த 50 ஆண்டுகளாக தென் கொரிய சினிமாவில் பல சிறந்த திரைப்படங்களில் நடித்துள்ளார், ஆனால் கடந்த ஆண்டு வெளியான 'ஸ்குவிட் கேம்' வெப் தொடர் மூலம் உலகம் முழுவதும் பிரபலமானார். அந்த வகையில் உலக புகழ் பெற்ற நடிகராக விளங்கும் ஓ யோங்-சு மீதான பாலியல் குற்றச்சாட்டு அனைவரையும் அதிர்ச்சியில் ஆழ்த்தியுள்ளது.
இதையும் படிங்க: நடிகர் அமிதாப் பச்சன் பெயரில் மோசடி... டெல்லி உயர் நீதிமன்றம் அதிரடி உத்தரவு...
