கர்தார்பூர் வழித்தடத்தைத் திறக்கத் தயார் - பாகிஸ்தான்

மகாராஜா ரஞ்சீத் சிங்கின் நினைவுநாளான ஜூன் 29ஆம் தேதியன்று கர்தார்பூர் வழித்தடத்தைத் திறக்கத் தயார் நிலையில் இருப்பதாக பாகிஸ்தான் தெரிவித்துள்ளது.

சீக்கிய மதத்தைத் தோற்றுவித்த குருநானக் தேவ், தனது கடைசி 18 ஆண்டுகளை பாகிஸ்தானிலுள்ள கர்தார்பூரில் கழித்ததாகக் கூறப்படுகிறது. இதனையொட்டி அவரது நினைவாக அங்கு குருத்வாரா அமைக்கப்பட்டது. அங்கு செல்வதை சீக்கியர்கள் புனிதப் பயணமாகக் கருதுகின்றனர்.

ஆனால், பாகிஸ்தானுக்கு விசா வாங்கிச் செல்வதில் பல சிரமங்கள் உள்ளன. இதனால் இருநாடுகள் சார்பாகவும் குருத்வாராவுக்கு வழித்தடம் அமைக்கத் திட்டமிடப்பட்டது. இந்தியா-பாகிஸ்தான் இடையே சாலையமைப்புப் பணிகள் முடிக்கப்பட்டு, சென்ற ஆண்டு நவம்பர் மாதம் கர்தார்பூர் வழித்தடம் திறக்கப்பட்டது.

இந்நிலையில், கரோனா வைரஸ் காரணமாக உலகம் முழுவதும் உள்ள பிரார்த்தனைக் கூடங்கள் மூடப்பட்டன. இந்தியாவிலும் அனைத்து வழிப்பாட்டுத் தலங்களும் மூடப்பட்டதால், கர்தார்பூர் வழித்தடமும் மூடப்பட்டது. தற்போது மகாராஜா ரஞ்சீத் சிங்கின் நினைவுநாளன்று (ஜூன் 29) கர்தார்பூர் வழித்தடத்தைத் திறக்க தயாராக உள்ளதாக பாகிஸ்தான் வெளியுறவுத் துறை அமைச்சர் ஷா மஹ்மூத் குரேஷி தனது ட்விட்டர் பக்கத்தில் தெரிவித்துள்ளார்.

இதுகுறித்து அவர், ''உலகம் முழுவதும் வழிப்பாட்டுத் தலங்கள் திறக்கப்பட்டுவருகின்றன. அதைப்போலவே குருத்வாராவுக்கான கர்தார்பூர் வழித்தடத்தைத் திறக்க பாகிஸ்தான் தயாராகி வருகிறது. மகாராஜா ரஞ்சீத் சிங்கின் நினைவு நாளன்று குருத்வாரா வழித்தடத்தைத் திறக்கத் தயாராக உள்ளோம் என்பதை இந்தியாவுக்குத் தெரிவிக்கிறேன்.

சீக்கியர்கள் புனிதப் பயணத்திற்காகப் பாகிஸ்தான் தகுந்த முன்னெச்சரிக்கை நடவடிக்கைகளை எடுத்துள்ளது. குருத்வாரா பயணம் மேற்கொள்பவர்களுக்கான சுகாதார வழிக்காட்டுதல்களை உருவாக்குவதற்காக இந்தியாவை அழைக்கிறோம்'' என ட்விட்டரில் பதிவிட்டுள்ளார்.

• As places of worship open up across the world, Pakistan prepares to reopen the Kartarpur Sahib Corridor for all Sikh pilgrims, conveying to the Indian side our readiness to reopen the corridor on 29 June 2020, the occasion of the death anniversary of Maharaja Ranjeet Singh.

  — Shah Mahmood Qureshi (@SMQureshiPTI) June 27, 2020 " class="align-text-top noRightClick twitterSection" data="

  As places of worship open up across the world, Pakistan prepares to reopen the Kartarpur Sahib Corridor for all Sikh pilgrims, conveying to the Indian side our readiness to reopen the corridor on 29 June 2020, the occasion of the death anniversary of Maharaja Ranjeet Singh.

  — Shah Mahmood Qureshi (@SMQureshiPTI) June 27, 2020

  ">

  As places of worship open up across the world, Pakistan prepares to reopen the Kartarpur Sahib Corridor for all Sikh pilgrims, conveying to the Indian side our readiness to reopen the corridor on 29 June 2020, the occasion of the death anniversary of Maharaja Ranjeet Singh.

  — Shah Mahmood Qureshi (@SMQureshiPTI) June 27, 2020

இதையும் படிங்க: இஸ்லாமாபாத்தில் இந்து கோயில் கோயில் கட்டுவதற்குப் பிரதமர் ஒப்புதல்