அமெரிக்க வெளியுறவுத்துறை அமைச்சர் மைக்கேல் பாம்பியோ இந்தியா, இலங்கை, மாலத்தீவு, இந்தோனேஷியா ஆகிய நாடுகளுக்கு அக்டோபர் 25 முதல் 30ஆம் தேதிவரை பயணம் மேற்கொள்கிறார்.
இந்திய அலுவலர்கள் வழிநடத்தும் மூன்றாவது வருடாந்திர அமெரிக்க இந்திய 2+2 அமைச்சர்களுக்கு இடையேயான உரையாடலில் பாம்பியோ, அமெரிக்க பாதுகாப்பு அமைச்சர் மார்க் டி எஸ்பெர் ஆகியோர் பங்கேற்கின்றனர்.
இந்தியா-அமெரிக்கா இடையேயான 2+2 சந்திப்பு குறித்து ஊடகங்களுடன் பேசிய அமெரிக்காவின் முதன்மை துணை உதவி செயலாளர் டீன் தாம்சன், "உண்மையான கட்டுப்பாட்டுப் பகுதியில் நிலவும் சூழல் குறித்து, இந்த சந்திப்பின்போது விவாதிக்கப்படலாம். இந்தியா-சீனா எல்லை பிரச்னையை அமெரிக்க உன்னிப்பாக கவனித்து வருகிறது.
பரிமாற்றம், ஒத்துழைப்பு, ஒப்பந்தம் (BECA) மற்றும் பிற ஒப்பந்தங்கள் செயல்பாட்டில் உள்ளன. பாம்பியோ, மார்க் எஸ்பரின் இந்திய பயணத்தின்போது, பல முக்கிய முடிவுகள் எடுக்கப்படும் என்று எதிர்பார்க்கிறோம்.
அமெரிக்கா-இந்தியா உறவு துரிதப்படுத்தப்பட்டு வருகிறது. 2+2 சந்திப்பு அமெரிக்காவும் இந்தியாவும் வலுவான, பாதுகாப்பான, வளமான நாடு என்ற நம்பிக்கையை பிரதிபலிக்கிறது. இந்த கலந்துரையாடல் உலகளாவிய ஒத்துழைப்பு, தொற்றுநோய், இந்தியா-பசிபிக் சவால்கள் குறித்து கவனம் செலுத்தும்” என்றார்.
