கரோனா பாதிப்பின் எதிரொலியாக உலகளவில் போக்குவரத்து முற்றிலும் முடங்கியதால் சர்வேத சந்தையில் கச்சா எண்ணெய் தேவை வெகுவாகச் சரிந்துள்ளது. கச்சா எண்ணெய் குறைந்த விலையில் கிடைக்கும் சூழலில், எதிர்காலத் தேவைக்கு பல ஆயிரக்கணக்கான பேரல்களை வாங்கி சேமித்துவைக்க அமெரிக்கா முடிவெடுத்துள்ளது.
கச்சா எண்ணெய்க்காக சர்வதேச நாடுகளை சார்ந்திருப்பதைத் தவிர்க்கும்விதமாக அமெரிக்கா ஷேல் காஸ் உற்பத்தியை மேற்கொள்ளத் தொடங்கியது. தற்போது நிலைமைத் தலைகீழாக மாறி கச்சா எண்ணெய் விலை பாதாளத்தை தொட்டதால் அமெரிக்காவில் ஷேல் காஸ் உற்பத்தியை நம்பியிருந்த ஆயிரக்கணக்கான தொழிலாளர்கள் வேலையிழக்கும் சூழல் எழுந்துள்ளது.
இந்த அசாதாரண சூழலில் எண்ணெய் நிறுவங்களை பாதுகாக்கும் நடவடிக்கைகளை அரசு உடனடியாக மேற்கொள்ளும் என அமெரிக்க அதிபர் டொனால்டு ட்ரம்ப் தெரிவித்துள்ளார். இது குறித்து தனது ட்விட்டர் பதிவில், அமெரிக்காவின் மிகச் சிறந்த எண்ணெய் நிறுவனங்கள் வீழ்ச்சியடைய ஒருபோதும் விடமாட்டோம், மின்சக்தித்துறை செயலரிடம் இந்தச் சூழலை சமாளிக்கும் திட்டங்களை வகுக்க உத்தரவிட்டுள்ளேன். விரைவில் திட்டங்கள் நடைமுறைப்படுத்தப்பட்டு, தொழிலாளர்கள் நலன் காக்கப்படும் எனத் தெரிவித்தார்.
இதையும் படிங்க: கரோனா: சீனாவில் இரண்டு மருத்துவர்களுக்கு தோல் நிறம் கருப்பாக மாறியது
