உலக அளவில் தற்போது வரை கரோனா தொற்றால் பாதிக்கப்பட்டோரின் எண்ணிக்கை 8 கோடியே 2 லட்சத்து 59 ஆயிரத்து 245ஆக உயர்ந்துள்ளது. இதுவரை 17 லட்சத்து 58 ஆயிரத்து 759 பேர் கரோனாவால் உயிரிழந்துள்ளனர். 5 கோடியே 65 லட்சத்து 21 ஆயிரத்து 955 பேர் குணமடைந்துள்ளனர்.
அதிகபட்சமாக அமெரிக்காவில், 1 கோடியே 92 லட்சத்து 10 ஆயிரத்து 166 பேர் கரோனாவால் பாதிக்கப்பட்டுள்ளனர். அந்நாட்டில் மட்டும் இதுவரை 3 லட்சத்து 38 ஆயிரத்து 263 பேர் உயிரிழந்துள்ளனர். கரோனா பரவல் காரணமாக பொது இடங்களில் கிறிஸ்துமஸ் பண்டிகையைக் கொண்டாட கட்டுப்பாடுகள் விதிக்கப்பட்ட நிலையில், அந்நாட்டின் தற்போதைய அதிபர் டொனால்ட் டிரம்ப் ப்ளோரிடா மாகாணத்தில் பண்டிகையைக் கொண்டாடினார்.
புதிய வகை கரோனா பாதிப்பு
லண்டனிலிருந்து பிரான்ஸ் திரும்பிய நபருக்கு புதிய வகை கரோனா தொற்று இருப்பது உறுதி செய்யப்பட்டுள்ளது. முன்னதாக, இந்த உருமாற்றமடைந்த புதிய வகை கரோனா தொற்று பிரிட்டனில் முதல் முதலாகக் கண்டறியப்பட்டது.
சீனத் தலைநகர் பெய்ஜிங்கில் புதிதாக இருவருக்கு கரோனா தொற்று இருப்பது உறுதியாகியுள்ளதாக, அந்நாட்டு அரசு தெரிவித்துள்ளது.
இதையும் படிங்க: இங்கிலாந்தில் இருந்து சேலம் வந்த 26 பேருக்கு கரோனா பரிசோதனை
