சென்னை: தமிழ் சினிமாவின் முன்னணி நடிகர்களில் ஒருவர், சத்யராஜ். இவர், தற்போது பல இளம் ஹீரோக்களின் படத்தில் முக்கிய கதாபாத்திரமாக நடித்து வருகிறார். அந்த வகையில், தற்போது நடிகர் வெற்றி ஹீரோவாக நடிக்கும் புதிய படத்திலும் முக்கிய கதாபாத்திரத்தில் நடிக்க உள்ளார் என தகவல்கள் வெளியாகியுள்ளது.
நடிகர் வெற்றி 8 தோட்டாக்கள் படத்தின் மூலம் நடிகராக அறிமுகமானார். அதனைத் தொடர்ந்து ஜீவி, ஜீவி2 என தனித்துவமான படங்களில் நடித்து, தமிழ் சினிமாவில் தனக்கென ஒரு இடத்தை பிடித்து வருகிறார். அதேபோல், அமெரிக்கா மற்றும் மலேசியாவில் ஆவணப் படங்களை எடுத்திருக்கும் நரேந்திர மூர்த்தி, தமிழ் சினிமாவில் இயக்குநராக அறிமுகமாகிறார்.
-
Glimpse From The #SekarGproductions #ProductionNO:1 Movie Pooja#Sathyaraj #MSBhaskar #KovaiSarala #satchu @act_vetri #NarendranMurthy #Illayarajasekar @ayrakrishnaoffl @Nathanprathana @nsuthay @jerard_felix @prosathish pic.twitter.com/L5MIKkr5ET
— 𝙈𝙊𝙑𝙄𝙀 𝙒𝙄𝙉𝙂𝙕 (@moviewingz) January 3, 2024 " class="align-text-top noRightClick twitterSection" data="
">Glimpse From The #SekarGproductions #ProductionNO:1 Movie Pooja#Sathyaraj #MSBhaskar #KovaiSarala #satchu @act_vetri #NarendranMurthy #Illayarajasekar @ayrakrishnaoffl @Nathanprathana @nsuthay @jerard_felix @prosathish pic.twitter.com/L5MIKkr5ET
— 𝙈𝙊𝙑𝙄𝙀 𝙒𝙄𝙉𝙂𝙕 (@moviewingz) January 3, 2024Glimpse From The #SekarGproductions #ProductionNO:1 Movie Pooja#Sathyaraj #MSBhaskar #KovaiSarala #satchu @act_vetri #NarendranMurthy #Illayarajasekar @ayrakrishnaoffl @Nathanprathana @nsuthay @jerard_felix @prosathish pic.twitter.com/L5MIKkr5ET
— 𝙈𝙊𝙑𝙄𝙀 𝙒𝙄𝙉𝙂𝙕 (@moviewingz) January 3, 2024
சேகர் ஜி புரோடக்சன்ஸ் சார்பில் இளையராஜா சேகர் தயாரிக்கும் இந்த புதிய படம், டார்க் காமெடி கதையம்சத்தில் உருவாக இருக்கிறது. இந்த படத்தில் சத்யராஜ், வெற்றி, எம்.எஸ்.பாஸ்கர், கோவை சரளா, சச்சு, பிராத்தனா, ஐரா ஆகியோர் முன்னணி கதாபாத்திரங்களில் நடிக்கின்றனர்.
கோடியில் ஒருவன் மற்றும் குரங்கு பொம்மை படங்களில் பணியாற்றிய ஆர்.உதயகுமார் இப்படத்திற்கு ஒளிப்பதிவு செய்கிறார். ஜெரார்டு ஃபெலிக்ஸ் இசையமைத்துள்ள இந்த படத்திற்கு, ராமர் படத்தொகுப்பாளராக பணியாற்றுகிறார். இவர் முன்னதாக அசுரன், வடசென்னை மற்றும் விடுதலை போன்ற படங்களுக்கு படத்தொகுப்பு செய்திருக்கிறார்.
நிர்வாக தயாரிப்பை செந்தில் குமார் கவனிக்கிறார். இந்த படத்தின் படப்பிடிப்பு பூஜையுடன் துவங்கியுள்ளது. முழு வீச்சில் இதன் படப்பிடிப்பு சென்னை மற்றும் பல இடங்களில் தொடர்ந்து நடைபெற இருக்கிறது. மேலும் இதுவரை காமெடி படங்களில் நடித்திராத வெற்றிக்கு, மற்றொரு பரிமாணமாக இப்படம் இருக்கும் என்று எதிர்பார்க்கப்படுகிறது.
இதையும் படிங்க: ’எந்த எதிர்பார்ப்புகளும் இல்லாமல் இளையராஜா இசையமைத்தார்’- இயக்குநர் கண்ணுச்சாமி நெகிழ்ச்சி
