இயக்குநர் மணிரத்னம் இயக்கத்தில் உருவாகி வரும் ’பொன்னியின் செல்வன்’ திரைப்படத்தில் கார்த்தி, ஜெயம் ரவி, விக்ரம், சரத்குமார், விக்ரம் பிரபு, த்ரிஷா, ஐஸ்வர்யா ராய் உள்ளிட்ட பல முன்னணி நடிகர்கள் நடித்துள்ளனர்.
இந்த படத்தை ‘லைகா புரொடக்ஷன்ஸ்’ மற்றும் மணிரத்னத்தின் ‘மெட்ராஸ் டாக்கீஸ்’ ஆகிய நிறுவனங்கள் இணைந்து தயாரித்துள்ளன. இப்படத்திற்கு ஏ.ஆர். ரஹ்மான் இசையமைத்துள்ளார். இந்த படத்தின் முதல் பாகம் செப்டம்பர் 30ஆம் தேதி வெளியாகும் என்று படக்குழு அறிவித்துள்ளது.
இப்படத்தில் நடித்துள்ள முக்கிய கதாபாத்திரங்களின் அறிமுக தோற்றங்கள் கடந்த இரண்டு நாள்களாக வெளியாகி வருகிறது. அதன் தொடர்ச்சியாக இன்று (ஜூலை 06) இப்படத்தில் பழுவூர் ராணி நந்தினியாக நடித்துள்ள ஐஸ்வர்யா ராயின் தோற்றம் வெளியாகியுள்ளது. இனிவரும் நாள்களில் அடுத்தடுத்த கதாபாத்திரங்களின் தோற்றமும் வெளியாகவுள்ளது.
இதையும் படிங்க: பொன்னியின் செல்வன் புதிய போஸ்டர்: வந்தியத்தேவனாக கம்பீர தோற்றத்தில் கார்த்தி
