சென்னை: 'காதல் கண்டிஷன்ஸ் அப்ளை' படத்தின் இசை வெளியீட்டு விழா இன்று சென்னையில் நடைபெற்றது. இந்த நிகழ்ச்சியில் படத்தின் தயாரிப்பாளர் நடிகர் நிதின் சத்யா, ரவீந்திரன், மஹத், சனா, தயாரிப்பாளர் எஸ்.ஆர்.பிரபு, விவேக் பிரசன்னா, ராதாரவி, தயாரிப்பாளர் சங்கத் தலைவர் தேனாண்டாள் முரளி, மதன் கார்க்கி உள்ளிட்டோர் கலந்து கொண்டனர்.
இந்நிகழ்வில் பேசிய மதன் கார்க்கி, 'இன்னும் நான்கு, ஐந்து ஆண்டுகளில் கிரியேட்டிவ் கலைஞர்களுக்கு ஆர்ட்டிபிஷியல் இன்டலிஜன்ட் போட்டியாக வந்துவிடும். அடுத்த தலைமுறை மனிதர்களுக்கும் இயந்திரங்களுக்கும் தான் போட்டி இருக்கும்' என்றார்.
நடிகர் ராதாரவி பேசுகையில், 'நிதின் சத்யா எனக்கு போன் செய்து எனது படத்தில் நடிக்க வேண்டும் என்று பொய்யாக சொல்வார். சினிமாத்துறையில் உள்ள 24 துறைக்கும் வடமாநிலத்தவர்கள் வந்துவிடுவார்கள். அதனால் நீங்கள் எல்லாம் பொதுமொழியை கற்றுக்கொள்ள வேண்டும். தமிழ்ப் படங்களில் தமிழ் நடிகர்களை நடிக்க வைக்க வேண்டும்’ எனக் கூறினார்
நடிகர் மஹத் பேசுகையில், 'எனக்கு சப்போர்ட் செய்து வரும் மீடியாவுக்கு நன்றி. இது எனக்கு கதாநாயகனாக முதல் படம். எனக்காக நிதின் சத்யா கதை கேட்டு இந்தப் படம் எடுத்தார். இசையமைப்பாளர் ரமேஷ் தமிழ்மணி எனக்கும் சிம்புவுக்கும் பள்ளித் தோழர். எனக்கு உதவியாக இருந்தவர், லிப்ரா ரவீந்திரன்.
எனக்கும் இதுபோன்று இசை வெளியீட்டு விழா நடக்க வேண்டும் என்று சிம்புவிடம் சொல்லுவேன். இந்தியில் எனக்கு நல்ல வரவேற்பு கிடைத்துள்ளதால் மீண்டும் ஒரு இந்தி படத்தில் நடிக்கிறேன். தமிழிலும் நிறைய படங்கள் நடிக்க உள்ளேன்’ எனக் கூறினார்.
இதையும் படிங்க: தளபதி 67 ஆடியோ உரிமம் ரூ.16 கோடிக்கு விற்பனை!
