’சின்னா’, விஜயின் ‘தெறி’, கமலின் ‘விக்ரம்’ உள்ளிட்ட பல படங்களில் முக்கிய கதாபாத்திரத்தில் நடித்திருக்கும் நடிகர் ஸ்ரீ. பல வெற்றிபெற்ற தொலைக்காட்சி தொடர்களில் ஹீரோவாகவும் நடித்து வருகிறார். ‘யாரடி நீ மோகினி’ உள்ளிட்டப் பல தொடர்கள் மூலம் தமிழ்நாட்டின் பட்டிதொட்டியெல்லாம் அறியப்பட்ட நடிகர் ஸ்ரீ ‘ஈடாட்டம்’ என்ற திரைப்படத்தில் ஹீரோவாக நடித்திருக்கிறார்.
ஈசன் மூவிஸ் சார்பில் சக்தி அருண் கேசவன் தயாரிக்கும் இப்படத்தின் கதை எழுதி ஈசன் இயக்கியிருக்கிறார். இப்படத்தில் வெண்பா, அனுகிருஷ்ணா, தீக்ஷிகா ஆகிய மூன்று பேர் ஹீரோயின்களாக நடித்திருக்கிறார்கள். இவர்களுடன் ராஜா, விஜய் விசித்திரன், காதல் சுகுமார், பவர் ஸ்டார், பூவிலங்கு மோகன், விஜய் சத்யா உள்ளிட்டப் பல முன்னணி நட்சத்திரங்கள் நடித்துள்ளனர்.
வறுமையில் வாழும் ஒருவர் பணத்தேவைக்காக தவறான முடிவுகளை எடுக்கிறார். அதனால், அவர் மட்டும் இன்றி அவரை சார்ந்தவர்களும் எப்படி பாதிக்கப்படுகிறார்கள் என்ற மெசேஜை காதல், காமெடி, சென்டிமென்ட் என கமர்ஷியலாக சொல்வது தான் இப்படத்தின் கதை எனக் கூறப்படுகிறது.
யோகி பாபு, நடன இயக்குநர் தினேஷ் ஆகியோர் கதாநாயகர்களாக நடித்திருக்கும் ‘லோக்கல் சரக்கு’ படத்திற்கு இசையமைத்திருக்கும் வி.ஆர்.சுவாமிநாதன் ராஜேஷ் இப்படத்திற்கு இசையமைத்துள்ளார்.
கஜபதி, வசனம் மற்றும் திரைக்கதை எழுதியுள்ள இப்படத்திற்கு ஜேசன் வில்லியம்ஸ் ஒளிப்பதிவு செய்திருக்கிறார். சென் முத்துராஜ் படத்தொகுப்பு செய்கிறார். கலை செந்தில், ராதிகா நடனம் அமைக்க, ஹார்ஸ் சுரேஷ் சண்டைக்காட்சிகளை வடிவமைத்துள்ளார். வணக்கம் ராஜா தயாரிப்பு மேற்பார்வையாளராகப் பணியாற்றுகிறார்.
இப்படத்தின் பர்ஸ்ட் லுக் போஸ்டர் விநாயகர் சதுர்த்தியை முன்னிட்டு ஆகஸ்ட் 31ஆம் தேதி வெளியிடப்பட்டது. பர்ஸ்ட் லுக் போஸ்டருக்கு ரசிகர்களிடம் பெரும் வரவேற்புகிடைத்தது. திருச்செந்தூர், பாண்டிச்சேரி, சென்னை ஆகியப்பகுதிகளில் படமாக்கப்பட்டுள்ள இப்படத்தின் படப்பிடிப்பு முழுவதும் முடிவடைந்த நிலையில், பின்னணி வேலைகள் நடைபெற்று வருகின்றன.
இதையும் படிங்க: சிபி சத்யராஜ் நடிக்கும் புதிய படம் பூஜையுடன் தொடங்கியது!
