சென்னை: நெல்சன் இயக்கத்தில் நடிகர் விஜய் நடித்துள்ள திரைப்படம் 'பீஸ்ட்'. இப்படத்தில் பூஜா ஹெக்டே, யோகிபாபு, செல்வராகவன், ரெடின் கிங்ஸ்லி உள்ளிட்டோர் நடித்துள்ளனர். சன் பிக்சர்ஸ் தயாரித்துள்ள இப்படத்திற்கு அனிருத் இசை அமைத்துள்ளார்.
இப்படத்தின் 'அரபிக்குத்து', 'ஜாலியோ ஜிம்கானா' ஆகிய பாடல்கள் வெளியாகி சமூக வலைதளங்களில் அதிரிபுதிரி ஹிட்டாகின. இந்நிலையில் இப்படத்தின் மூன்றாவது பாடலான 'பீஸ்ட் மோட்' என்ற பாடல் தற்போது வெளியாகியுள்ளது.
'திரை தீப்பிடிக்கும்' எனத் தொடங்கும் இப்பாடல் விஜய் ரசிகர்களால் கொண்டாடப்பட்டு வருகிறது. இப்படம் வருகிற 13ஆம் தேதி திரையரங்குகளில் வெளியாகிறது.
