சென்னை: 1995ஆம் ஆண்டு ஜானகி சௌந்தர் இயக்கத்தில் வெளியான திரைப்படம் ராஜாவின் பார்வையிலே. இப்போது தமிழ் சினிமாவில் உச்ச நட்சத்திரமாக விளங்கும் அஜித் மற்றும் விஜய் இணைந்து நடித்த ஒரே திரைப்படமாகும். இப்படத்தில் இந்திரஜா, வடிவேலு உள்ளிட்டோர் நடித்திருந்தனர். இளையராஜா இசையமைத்திருந்தார்.
இந்நிலையில் இப்படம் இன்று மீண்டும் திரையரங்குகளில் மறு வெளியீடு செய்யப்பட்டுள்ளது. தற்போது பொங்கலுக்கு அஜித்தின் துணிவு, விஜயின் வாரிசு ஆகிய படங்களும் ஒரே நாளில் வெளியாக உள்ளது.
இதனால் இருதரப்பு ரசிகர்களும் சமூக வலைத்தளங்களில் சண்டையிட்டு வருகின்றனர். இந்த நிலையில் ராஜாவின் பார்வையிலே திரைப்படம் மறு வெளியீடு செய்யப்பட்டுள்ளது இருவரது ரசிகர்களுக்கும் மகிழ்ச்சியை ஏற்படுத்தியுள்ளது.
இதையும் படிங்க: வாரிசை முந்திய துணிவு - துணிந்து வென்று நின்ற அஜித்!
