நாகப்பட்டினம்: பொங்கல் பண்டிகைக்கு விஜய் மற்றும் அஜித் ஆகியோரின் படங்கள் 8 ஆண்டுகளுக்குப் பிறகு நேரடியாக மோதுவது ரசிகர்களிடையே பெரும் எதிர்பார்ப்பையும், ஆவலையும் ஏற்படுத்தியுள்ளது. தமிழ்நாட்டில் இரண்டு பேருக்கும் சரிசமமாக திரையரங்குகள் ஒதுக்கப்பட்டுள்ள நிலையில், இதுகுறித்து இரு தரப்பு ரசிகர்களும் பல்வேறு வேண்டுதல்கள் மற்றும் விளம்பரங்களை செய்து வருகின்றனர்.
அண்மையில் விஜய் ரசிகர்கள் சபரிமலை ஐயப்பன் கோயிலில், விஜயின் நடிப்பில் பொங்கலுக்கு வெளி வரும் ’வாரிசு’ படம் வெற்றி பெற வேண்டி பேனர் வைத்து வழிபாடு நடத்தினர். இந்நிலையில் விஜய் ரசிகர்கள் போல் அஜித் ரசிகர்களும் சபரிமலை ஐயப்பன் கோயிலில், அஜித்தின் ’துணிவு’ திரைப்படம் வெற்றி பெற வேண்டி பேனருடன் பிரார்த்தனையில் ஈடுபட்டனர்.
மயிலாடுதுறையைச் சேர்ந்த ஐயப்பன், மகேஷ், சூர்யா ஆகிய மூன்று ரசிகர்கள் அஜித்தின் ’துணிவு’ படம் வெற்றி பெற வேண்டி வழிபாடு செய்தனர். இருதரப்பு ரசிகர்களும் தங்கள் தலைவரின் படம் வெற்றி பெற வேண்டி பிரார்த்தனையில் ஈடுபட்டுள்ளது குறிப்பிடத்தக்கது.
இதையும் படிங்க:Video : விஜய் ரசிகர்களை அடித்த பவுன்சர்கள்!
