சென்னை: பாட்டாளி மக்கள் கட்சிக்கு மாம்பழம் சின்னம் ஒதுக்கப்பட்டுள்ளது.
அதிமுக கூட்டணியில் அங்கம் வகிக்கும் பாட்டாளி மக்கள் கட்சிக்கு 23 தொகுதிகள் ஒதுக்கப்பட்டுள்ளன. தேர்தலில் தனிச் சின்னத்தில் போட்டியிடவும் பாமக முடிவு செய்திருந்தது.
இச்சூழலில் தங்களுக்கு மாம்பழம் சின்னத்தை ஒதுக்கும்படி, இந்திய தேர்தல் ஆணையத்தில் பாமக தரப்பில் கோரிக்கை வைக்கப்பட்டிருந்தது. இக்கோரிகையை ஆராய்ந்த ஆணையம், இதுவரை இந்த சின்னம் யாருக்கும் ஒதுக்கப்படாததால், மாம்பழம் சின்னத்தைப் பாமகவுக்கு ஒதுக்கி அறிவிப்பு வெளியிட்டுள்ளது.
