புத்துணர்வு முகாமிற்கு புறப்பட்ட யானையை தடுத்து நிறுத்திய தம்பதி!

கோயம்புத்தூர்: பேரூர் கோயில் யானையை மேட்டுப்பாளையம் புத்துணர்வு முகாமிற்கு அழைத்துச் சென்றபோது தம்பதி தடுத்து நிறுத்தியதால் பரபரப்பு ஏற்பட்டது.

கோயம்புத்தூர் மேட்டுப்பாளையத்தில் யானைகள் புத்துணர்வு முகாம் நாளை முதல் தொடங்கவுள்ளது. இந்த முகாமிற்காக தமிழ்நாடு முழுவதும் பல்வேறு இடங்களில் இருந்து யானைகள் வரவழைக்கப்படுகின்றன.

இந்நிலையில் கோயம்புத்தூர் பேரூர் பகுதியில் பிரசித்தி பெற்ற பட்டீஸ்வரர் கோயில் யானையான கல்யாணியை இன்று(பிப்.7) காலை 5 மணி அளவில் தயார் செய்து மேட்டுப்பாளையம் புத்துணர்வு முகாமிற்கு அழைத்துச் செல்ல தயாரானபோது அங்கு வந்த ஞானவேல்-சுகந்தி பிரியா தம்பதி யானையை அழைத்து செல்லும் லாரியை மறித்தனர்.