பொதுபட்ஜெட்டில் சிறு குறு தொழில் முனைவோர்களின் எதிர்பார்ப்புகளாக கோப்மா (கோவை பம்ப்செட் மற்றும் உதிரிபாகங்கள் தயாரிப்பு சங்கம்) உறுப்பினர் திரு மணிராஜ் கூறியதாவது:-
கோவை மாவட்டத்தை பொறுத்தவரை ஒரு குறுந்தொழில் நகரம் என்றும் ஏறக்குறைய ஒரு லட்சத்திற்கும் மேற்பட்ட தொழிற்சாலைகள் மூன்று லட்சத்திற்கும் மேற்பட்ட தொழிலாளர்கள் இங்கு உள்ளனர்.
மத்திய அரசு ஒவ்வொரு ஆண்டும் நிதிநிலை அறிக்கையை வெளியிடும் பொழுது சிறு குறு தொழில் முனைவோர்களுக்கு சலுகைகள் ஏதேனும் வழங்கப்படுமா என்ற எதிர்பார்ப்பு நிலவுகிறது.
தமிழ்நாட்டிலேயே கோவையில் மட்டும் தான் விவசாயிகளுக்கான பம்பு செட்டுகள் மோட்டார்கள் போன்ற உதிரிபாகங்கள் தயாரிக்கப்படுகிறது.
மத்திய அரசின் ஜிஎஸ்டி அமல்படுத்துவதற்கு முன் உதிரிபாகங்களுக்காண வரி விகிதம் 5 விழுக்காடாக இருந்தது.
தற்போது அது 18 விழுக்காடாக உயர்ந்துள்ளது. இதனால் ஒரு லட்சத்திற்கு ஆறாயிரம் ரூபாய் வீதம் நஷ்டம் ஏற்படுகிறது.
இதுகுறித்து பலமுறை நிதித்துறை அமைச்சரை தபால் மூலமாகவும், நேரடியாகவும் அணுகி ஜிஎஸ்டி வரியை ரத்து செய்ய கோரிக்கை விடுத்தோம்.
கடந்த ஆண்டு வெளியிட்ட நிதிநிலை அறிக்கையில் வங்கிகளுக்கு மூலதன கடன் மற்றும் வங்கிகள் மேன்மையுற செய்வதற்காக ரூ.70,000 வரை நிதி வழங்கியது.
ஆனால் குறுந்தொழில் புரிவோருக்கு சொத்துப் பிணையம் இல்லாமலேயே கடன் வழங்க மத்திய அரசு உத்தரவிட்டும் பல வங்கிகள் அதை தர மறுக்கிறது.
எனவே மத்திய அரசு உடனடியாக இதில் தலையிட்டு நடவடிக்கை எடுக்க வேண்டும். குறு தொழில் முனைவோர்களுக்கு கடன் வழங்கும் நடவடிக்கைகளை எடுக்க வேண்டும்.
கடந்த ஆண்டு வருமான வரி துறையின் வரிவிலக்கு 2.5 லட்சம் ரூபாய் வரை தான் கொடுத்துள்ளனர். அதை ரூ.5 லட்சமாக நீட்டிக்க வேண்டும்.
இவ்வாறு அவர் கூறினார்.
இதையும் படிங்க:
