தமிழ்நாட்டின் வரவு செலவு திட்ட அறிக்கை எப்படி?

ஹைதராபாத்: தமிழ்நாட்டின் வரவு செலவு திட்ட நிதி நிலை அறிக்கை சட்டப்பேரவையில் இன்று தாக்கலான நிலையில் அது குறித்து இங்கு பார்க்கலாம்.

தமிழ்நாட்டில் ஜெயலலிதாவின் மறைவுக்குப் பின்னர், எடப்பாடி பழனிசாமி முதல் அமைச்சராக ஆட்சிக்கு வந்தார்.

அவரின் ஆட்சிக் காலத்தில் தாக்கலாகும் மூன்றாவது நிதிநிலை அறிக்கை இது. இந்த பட்ஜெட்டுக்கு மற்றுமொரு சிறப்பும் உள்ளது.

இது ஓ.பன்னீர் செல்வம் தாக்கல் செய்யும் 10ஆவது நிதிநிலை அறிக்கை. அந்த வகையில் மாநிலத்தில் அதிக முறை நிதிநிலை அறிக்கையை தாக்கல் செய்த நிதியமைச்சர் என்ற பெருமையையும் அவர் பெறுகிறார்.

பட்ஜெட் சுருக்கம்:

ஓ. பன்னீர் செல்வம் இன்று தாக்கல் செய்த நிதி நிலை அறிக்கையில் தமிழ்நாட்டின் விவசாயம், கல்வி, உறைவிடம் மற்றும் சுகாதாரம் உள்ளிட்ட திட்டங்களுக்கு அதிக முன்னுரிமை கொடுக்கப்பட்டிருந்தது.

மாநிலத்தின் பொருளாதார பற்றாக்குறையை பொறுத்தமட்டில், தற்போது ரூ.55,058 கோடியாக உள்ளது. இது அடுத்த ஆண்டு ரூ.59,346 கோடியாக அதிகரிக்கும் என எதிர்பார்க்கப்படுகிறது.

தமிழ்நாட்டின் வரவு செலவுத் திட்ட அறிக்கை எப்படி?

வரி வசூல் சரிவு:

இந்தாண்டு ஜிஎஸ்டி வருவாய் ஏழாயிரம் கோடியாக குறைந்துள்ளது. இது மிகவும் குறைவான வரி வசூலாகும். அடுத்த ஆண்டு ஜிஎஸ்டி 7.2 விழுக்காடாக அதிகரிக்கும் என எதிர்பார்க்கப்படுகிறது. இதனால் வருமானமும் 10.5 விழுக்காடாக வளர்ச்சிப் பெறும்.

ஆக மாநிலத்தின் வருமானம் 2020-21ஆம் ஆண்டில் ரூ.2,19,325 கோடியாக இருக்கும். செலவினங்கள் ரூ.2,40,992 கோடியாக இருக்கும். பொருளாதார பற்றாக்குறை ரூ.21,671 கோடியாகும். அந்த வகையில் கடந்த நிதியாண்டில் மாநிலத்தின் வளர்ச்சி 8.1 விழுக்காடாக இருந்துள்ளது.

தமிழ்நாட்டின் வரவு செலவு திட்ட அறிக்கை எப்படி?

துறைவாரியாக கடந்த மற்றும் நடப்பாண்டிற்கான பட்ஜெட் நிதி ஒப்பீடு

துறைகள்	2019-20 (ரூபாய் கோடிகளில்)	2020-21 (ரூபாய் கோடிகளில்)
வேளாண்துறை	15,247	11,894
மீன்வளத்துறை	927.85	1290
பள்ளிக் கல்வித் துறை	28,757.62	34,181.73
காவல் துறை	7,749	8876.57
ஊரக வளர்ச்சித் துறை	6,435	23,161
உயர்கல்வித் துறை	4,584.21	5052
மக்கள் நல்வாழ்வு மற்றும் குடும்ப நலத்துறை	15,863	12,563.83
எரிசக்தித்துறை	18,560.77	20,115
போக்குவரத்துத் துறை	1,297.83	2176
தமிழ் வளர்ச்சித்துறை	54.76	74
சிறைத்துறை	319.92	392
உணவு மற்றும் நுகர்வோர் துறை	6,000	6,500
நகராட்சி நிர்வாகத் துறை	18,700.64	18,540
வீட்டு வசதி துறை	2,662.16	3,700
பேரிடர் மேலாண்மைத் துறை	825	1,360
சட்டத்துறை	1,265.64	1,403
கைத்தறி மற்றும் ஜவுளித்துறை	1,170.56	1,224
முதலமைச்சரின் விரிவான காப்பீட்டுத் திட்டம்	959.21	1,033
தகவல் தொழில்நுட்பத்துறை	140	153
தொழிற்துறை	2,747.96	2,500
தொழிலாளர் நலத்துறை	148.83	200
நெடுஞ்சாலைத்துறை	13,605.19	15,840
குடிமராமத்து திட்டம்	300	300
பிற்படுத்தப்பட்ட, மிகவும் பிற்படுத்தப்பட்டோர் நலத்துறை	290.71	302.98
சுகாதாரத்துறை	12,563.83	15,863