சிங்கப்பூர் விமான நிலையத்தில் தணிகைவேல் என்பவரிடம், அடையாளம் தெரியாத ஒருவர் 22 சவரன் நகைகளை கொடுத்து, இதை தனது உறவினர்கள் சென்னையில் பெற்றுக்கொள்வர் எனக் கூறியுள்ளார். இதையடுத்து, சென்னை வந்தவுடன் அடையாளம் தெரியாத நபரின் உறவினர்கள், தணிக்கைவேலிடம் நகைகளை கேட்டபோது அவற்றை தொலைந்துவிட்டதாக நாடகமாடியுள்ளார்.
இதனால் ஆத்திரம் அடைந்த உறவினர்கள், தணிகைவேலை கடத்தி சென்றதுடன் அவரது தந்தையை தொடர்புகொண்டு தங்களின் நகையோ அல்லது அதற்கு ஈடாக ஏழு லட்ச ரூபாய் பணத்தையோ கொடுத்துவிட்டு மகனை விடுவித்துகொள்ளும்படி எச்சரித்துள்ளனர். அதிர்ச்சியடைந்த தணிகைவேலின் தந்தை கலியமூர்த்தி, கடலூருக்கு வந்து பணத்தை பெற்றுக்கொள்ளும் படி கூறிவிட்டு, காவல் துறைக்கும் தகவல் கொடுத்துள்ளார்.
பணத்தை பெற்று கொள்ள வருகையில், தணிகைவேலை கடத்திய ஆறு பேர் கொண்ட கும்பலை காவல் துறையினர் சுற்றி வளைத்து கைது செய்து விசாரணை நடத்தி வருகின்றனர்.
