இதுகுறித்து அவர் சென்னை விமான நிலையத்தில் செய்தியாளர்களிடம் சீமான் கூறுகையில், “கூட்டணி வைத்தாலும் திட்டுவது, கூட்டணி வைக்காமல் தனியாக களமிறங்கினாலும் திட்டுவது, என இதனை ஒரு கொள்கையாகவே வைத்திருக்கிறார்கள். மாற்று என்பது எப்படி? நான் இன்னொரு தலைமுறை பிள்ளைகளுக்கு நம்பிக்கையாக நின்றுவிட்டு போகிறேனே. கூட்டணி வைத்து வென்றவர்கள் சாதித்தது என்ன?
எல்லோரும் வருவது மாற்றம் மாற்றம் என்று சொல்வது, பிறகு அவர்களுடனே சேர்ந்து பெரிய ஏமாற்றத்தை கொடுப்பது. மாற்றம் என்று பேசுகிற தலைவர்கள், மாற்றத்தை பற்றி சிந்திக்கும் இளைஞர்கள், அரசியல் ஆய்வாளர்களிடம், தான் கேட்பது என்னவென்றால், எதில் இருந்து மாற்று, எப்படிப்பட்ட மாற்று, எந்த கட்சியின் ஆட்சியில் இருந்து மாற்றத்தை கேட்கிறீர்கள்?
மாற்றம் என்று பேசிவிட்டு பின்னர் அவர்கள்கூடவே துணை நின்று அவர்களையே ஆட்சியமைக்க செய்வது என்பது எப்படி மாற்றமாக இருக்கும். அது பெரிய ஏமாற்றமாகத்தானே இருக்கும். அதை செய்ய நாங்கள் தயாராக இல்லை. அதனால் நாங்கள் தனித்துதான் போட்டியிடுகிறோம்” என்றார்.
