கேரள மாநிலம், பாலக்காடு மாவட்டம் ஆலத்தூர் பகுதியைச் சேர்ந்தவர் பிரணவ் என்ற மாற்றுத் திறனாளி இளைஞர், அம்மாநில முதலமைச்சர் பினராயி விஜயனைச் சந்தித்து கேரளப் பேரிடர் நிவாரண நிதி அளித்தார். அப்போது அவர் தனது கால்கள் கொண்டு பினராய் விஜயனோடு எடுத்துக்கொண்ட செல்ஃபி பெரும் வைரலானது.
இந்நிலையில், நடிகர் ரஜினிகாந்தைச் சந்திக்க வேண்டும் என பிரணவ், தனது ஆசையை வெளிப்படுத்தியிருந்தார். இதனை அறிந்து கொண்ட ரஜினி அவரது ஆசையை நிறைவேற்ற முடிவு செய்தார்.
அந்த வகையில், பிரணவ் மற்றும் அவரது பெற்றோரை நடிகர் ரஜினிகாந்த், சென்னை போயஸ் கார்டனில் இருக்கும் தனது இல்லத்தில் வைத்து சந்தித்தார். அப்போது, தன் கால்பட வரைந்த ரஜினியின் ஓவியத்தை பிரணவ் பரிசளித்தார். மேலும், பினராயி விஜயனுடன் எடுத்துக்கொண்ட செல்ஃபி போல் ரஜினியுடனும் செல்ஃபி எடுத்துக்கொண்டார்.
இதையும் படிங்க:
காலுக்கு கை கொடுத்த கேரள முதலமைச்சர்: உலகின் தலைசிறந்த செல்ஃபிக்கு குவியும் பாராட்டு!
