சென்னை: சென்னை மெட்ரோ ரயில் சேவை ’பீக் ஹார்’ எனப்படும் உச்சபட்ச நேர சேவை இன்று (பிப். 25) ஒருநாள் மட்டும் அதிகரிக்கப்படும் என மெட்ரோ ரயில் நிர்வாகம் தெரிவித்துள்ளது.
அதன்படி காலை 7 மணி முதல் 11 மணி வரையும் மாலை 4 மணி முதல் 8 மணி வரையும் ஐந்து நிமிட இடைவெளிக்கு ஒரு ரயில் இயக்கப்படும் எனத் தெரிவிக்கப்பட்டுள்ளது.
மாநகரப் போக்குவரத்துக் கழக ஊழியர்கள் ஊதிய ஒப்பந்த பேச்சுவார்த்தை இறுதிசெய்யப்படாததால், இன்றுமுதல் காலவரையற்ற வேலைநிறுத்தப் போராட்டம் அறிவித்துள்ள நிலையில் சென்னை மெட்ரோ ரயில் சேவை நீட்டிக்கப்பட்டுள்ளது குறிப்பிடத்தக்கது.
