சென்னை: பசுமைவழிச் சாலையில் உள்ள இல்லத்தில் ஓபிஎஸ் தனது ஆதரவாளர்களுடன் ஆலோசனையில் ஈடுபட்டார்.
ஆலோசனைக்கு பின் செய்தியாளர்களை சந்தித்த அதிமுக செய்தி தொடர்பாளர் கோவை செல்வராஜ், "கொடநாடு வழக்கை விரைந்து விசாரணை செய்து குற்றவாளிகள் மீது நடவடிக்கை எடுக்க வேண்டும் என அரசுக்கு கோரிக்கை வைகிறோம்.
கொடநாடு கொலை கொள்ளை வழக்கை நாங்கள் ஆட்சியில் இருக்கும் போதே விரைந்து விசாரிக்க முதலமைச்சரிடம் கோரிக்கை வைத்தோம். ஆனால் அந்த வழக்கின் விசாரணையில் தற்போது வரை முடிவு எட்டப்படவில்லை.
திமுக தேர்தல் வாக்குறுதியில் நாங்கள் ஆட்சிக்கு வந்தவுடன் கொடநாடு வழக்கு குற்றவாளிகளை கைது செய்வோம் என கூறியிருந்தனர். சட்டமன்றத்தில் கொடநாடு வழக்கு குறித்து விவாதம் எழுந்த போது வெளிநடப்பு செய்தது என்பது கட்சிக்கு கட்டுப்பட்ட ஒரு விவகாரமாகத்தான் பார்க்க வேண்டும்.
ஒற்றைத் தலைமை விவகாரம் வந்த பிறகு நாங்கள் கொடநாடு வழக்கை பற்றி பேசவில்லை. முன்பிருந்தே பேசிக் கொண்டுதான் இருக்கிறோம்" என கூறினார்.
இதையும் படிங்க: மெரினாவை கண்காணிக்கிறது ட்ரோன்
