சென்னை: தமிழ்நாட்டில் பி.இ, பி.டெக் உள்ளிட்ட பொறியியல் படிப்புகளில் சேர்வதற்கான விண்ணப்பப்பதிவு கடந்த 20 ஆம் தேதி தொடங்கியது. முதல் நாளில் 18 ஆயிரத்து 763 மாணவர்கள் பதிவு செய்திருந்தனர்.
அவர்களில் 4 ஆயிரத்து 199 மாணவர்கள் கட்டணம் செலுத்தியிருந்தனர், 790 மாணவர்கள் தங்களின் சான்றிதழ்களையும் பதிவேற்றம் செய்திருந்தனர்.
இன்றைய (ஜூன் 28) நிலவரப்படி, பொறியியல் படிப்பில் சேர்வதற்கு ஒரு லட்சத்து ஆயிரத்து 916 மாணவர்கள் பதிவு செய்துள்ளனர். அதில், 59 ஆயிரத்து 372 பேர் விண்ணப்பக் கட்டணங்களை செலுத்தியுள்ளனர். 31 ஆயிரத்து 319 மாணவர்கள் தங்களது சான்றிதழையும் பதிவேற்றம் செய்துள்ளனர் என பொறியியல் மாணவர் சேர்க்கை குழு தகவல் தெரிவித்துள்ளது.
