தேர்வு முறைகேடு - அதிகரிக்கும் கைது எண்ணிக்கை! - தேர்வு முறைகேடு

சென்னை: டிஎன்பிஎஸ்சி தேர்வு முறைகேட்டில் கைது எண்ணிக்கை நாளுக்கு நாள் அதிகரித்து வரும் நிலையில், ஏற்கெனவே பிடிபட்ட டிஎன்பிஎஸ்சி ஊழியர் ஓம் காந்தனுக்கு உதவியதாக மூன்று பேரை சிபிசிஐடி காவல்துறையினர் இன்று கைது செய்துள்ளனர்.

investigation

Published : Feb 10, 2020, 2:07 PM IST

தமிழகம் முழுவதும் குரூப் 4 பதவிகளுக்கான பணியிடங்களுக்கு கடந்த ஆண்டு செப்டம்பர் மாதம் நடைபெற்ற எழுத்துத் தேர்வில் முறைகேடு நடைபெற்றதாகக் குற்றச்சாட்டு எழுந்தது. இதையடுத்து, சம்பந்தப்பட்டவர்களிடம் நடத்தப்பட்ட விசாரணையில் தேர்வில் முறைகேடு நடந்திருப்பது உறுதி செய்யப்பட்டது.

இதையடுத்து தேர்வாணையம் அளித்த புகாரின் அடிப்படையில் விசாரணையைத் தொடங்கிய சிபிசிஐடி காவல்துறை, முறைகேடு தொடர்பாக அரசு ஊழியர்கள், இடைத்தரகர்கள், தேர்வர்கள் என இதுவரை 12 பேரை கைது செய்துள்ளனர். இதனிடையே, 2017ஆம் ஆண்டு நடைபெற்ற குரூப் 2ஏ தேர்விலும் முறைகேடு நடைபெற்றது தெரியவந்ததையடுத்து, அது தொடர்பாகவும் 10க்கும் மேற்பட்டோர் இதுவரை கைது செய்யப்பட்டுள்ளனர்.

டிஎன்பிஎஸ்சி முறைகேட்டில் ஈடுபட்ட காவலர் சித்தாண்டி, இடைத்தரகர் ஜெயக்குமார் ஆகியோரை 7 நாட்கள் காவலில் எடுத்து சிபிசிஐடி காவல்துறையினர் விசாரித்து வருகின்றனர். ஜெயக்குமாரிடம் நடத்திய விசாரணையில், 4 கோடி ரூபாய்க்கு 23 அரசுப்பணிகளை அவர் விற்றதும், தேர்வர்களிடம் பணம் பெற்று முறைகேட்டிற்கு உதவியவர்களுக்கு ஜெயக்குமார் பங்கிட்டு கொடுத்துள்ளதாகவும் தெரியவந்துள்ளது.

மேலும், விடைத்தாள்களை திருத்தியது, விடைத்தாள்களை கொண்டு சென்ற வாகனத்தை நிறுத்திய இடம் உள்ளிட்டவைகள் தொடர்பாக நிகழ்விடத்திற்கு ஜெயக்குமார் மற்றும் டி.என்.பி.எஸ்.சி ஊழியர் ஓம் காந்தனை அழைத்துச் சென்ற காவல்துறையினர், முறைகேட்டில் ஈடுபட்டதை நடித்து காண்பிக்க வைத்து, அதனை வீடியோ பதிவும் செய்துள்ளனர்.

இதனிடையே, கடந்த 2016 ஆம் ஆண்டு தேர்வில் முறைகேடு செய்து தேர்ச்சி பெற்று தற்போது விஏஓ வாக பணியாற்றிக்கொண்டிருந்த விழுப்புரம் மாவட்டம் அறியூரைச் சேர்ந்த நாராயணன் என்கிற சக்தி என்பரை காவல்துறையினர் கைது செய்து விசாரணை நடத்தினர்.
அவரிடம் நடத்தப்பட்ட விசாரணையில் 2016 ஆம் ஆண்டு நடந்த குரூப் 4 தேர்வில், மேலும் நான்கு பேர் முறைகேடு செய்து தற்போது அதிகாரிகளாக பணியாற்றி வருவது தெரியவந்துள்ளது. அவர்களை கைது செய்ய காவல்துறையினர் தீவிர நடவடிக்கை மேற்கொண்டு வருகின்றனர்.

தேர்வு முறைகேடு தொடர்பான கைது எண்ணிக்கை நாளுக்கு நாள் அதிகரித்து வரும் நிலையில், ஏற்கெனவே பிடிபட்ட டி.என்.பி.எஸ்.சி ஊழியர் ஓம் காந்தனிடம் நடத்திய விசாரணையில், அவருக்கு உதவிய 3 பேரை இன்று சிபிசிஐடி காவல்துறையினர் கைது செய்துள்ளனர். இவர்கள் மூவரும் சென்னையைச் சேர்ந்தவர்கள் என்பதும், தனியார் கார் ஓட்டுநர்களாக வேலை பார்த்து வந்ததும் தெரியவந்துள்ளது.

இதையும் படிங்க: இணையவழி கிரிக்கெட் சூதாட்டம் - தலைமறைவாக இருந்த முக்கிய நபர் கைது

Intro:Body:தமிழகம் முழுவதும் குரூப் 4 பதவிகளுக்கான பணியிடங்களுக்கு கடந்த ஆண்டு செப்டம்பர் மாதம் நடைபெற்ற எழுத்துத் தேர்வில் முறைகேடு நடைபெற்றதாக குற்றச்சாட்டு எழுந்தது. இதையடுத்து, சம்பந்தப்பட்டவர்களிடம் நடத்தப்பட்ட விசாரணையில் தேர்வில் முறைகேடு நடந்திருப்பது உறுதி செய்யப்பட்டது.

தொடர்ந்து, தேர்வாணையம் அளித்த புகாரின் அடிப்படையில் விசாரணையை தொடங்கிய சிபிசிஐடி போலீசார், முறைகேடு தொடர்பாக அரசு ஊழியர்கள், இடைத்தரகர்கள், தேர்வர்கள் என இதுவரை 12 பேரை கைது செய்துள்ளனர்.

இதனிடையே, 2017ஆம் ஆண்டு நடைபெற்ற குரூப் 2ஏ தேர்விலும் முறைகேடு நடைபெற்றது தெரியவந்துள்ளது. இது தொடர்பாகவும் 10க்கும் மேற்பட்டோர் கைது செய்யப்பட்டுள்ளனர். கைது எண்ணிக்கை நாளுக்கு நாள் அதிகரித்து வரும் நிலையில்,

முறைகேடு தொடர்பான குற்றச்சாட்டுகளுக்கு ஆளான நபர்கள் அனைவரும் குறிப்பிட்ட தேர்வு மையங்களில் தேர்வு எழுதியவர்கள் எனவும், சில மணி நேரங்களிலேயே அழியும் தன்மை கொண்ட பேனா மூலம் அவர்கள் தேர்வெழுதி, அதன் பின்னர் இடைத்தரகர்கள் உள்ளிட்டவர்களுடன் துணையுடன் விடைத்தாள்களை கொண்டு செல்லும் வழியில் வினாக்களுக்கு பதிலளித்து முறைகேட்டில் ஈடுபட்டதாகவும் பல்வேறு அதிர்ச்சி தகவல்கள் வெளிவந்தன.

இதனிடையே, டிஎன்பிஎஸ்சி முறைகேட்டில் ஈடுபட்ட முக்கிய குற்றவாளியாக கருதப்படும் காவலர் சித்தாண்டியை சிபிசிஐடி போலீசார் கைது செய்தனர். அதேசமயம், மற்றொரு முக்கிய குற்றவாளியாக கருதப்படும், இடைத்தரகராக செயல்பட்ட ஜெயக்குமார் என்பவர் நீதிமன்றத்தில் சரணடைந்தார்.

இதையடுத்து, நீதிமன்றத்தின் அனுமதியுடன் அவரை 7 நாட்கள் காவலில் எடுத்து சிபிசிஐடி போலீசார் விசாரித்து வருகின்றனர். இந்நிலையில், ஜெயக்குமாரிடம் சிபிசிஐடி போலீசார் நடத்திய விசாரணையில், ரூ.4 கோடிக்கு 23 அரசு வேலைகளை அவர் விற்றது அம்பலமாகியுள்ளது. தேர்வர்களிடம் பணம் பெற்று முறைகேடுக்கு உதவியவர்களுக்கு ஜெயக்குமார் பங்கிட்டு கொடுத்துள்ளதாகவும் அவர் தெரிவித்ததாக கூறப்படுகிறது.

மேலும், விடைத்தாள்களை திருத்தியது, விடைத்தாள்களை கொண்டு சென்ற வாகனத்தை நிறுத்திய இடம் உள்ளிட்டவைகள் தொடர்பாக சம்பவ இடத்திற்கு ஜெயக்குமார் மற்றும் ஓம் காந்தனை அழைத்து சென்று முறைகேட்டில் ஈடுபட்டது போல் நடித்து காண்பிக்க வைத்து, அதனை வீடியோ பதிவு செய்தனர்.

இதனிடையே, கடந்த 2016-ஆம் ஆண்டு நடைபெற்ற டிஎன்பிஎஸ்சி குரூப் 4 தேர்வில் மேலும் 4 பேர் முறைகேடு செய்து பணியில் சேர்ந்துள்ளதாக சிபிசிஐடி போலீசார் தரப்பில் தகவல்*

அதாவது, கடந்த 7ஆம் தேதி சிபிசிஐடி போலீசார் 2016 ஆம் ஆண்டு நடைபெற்ற டிஎன்பிஎஸ்சி குரூப் 4 தேர்வில் முறைகேடு நடந்துள்ளதாக வழக்குப்பதிவு செய்து விசாரணையை தொடங்கினர்.

இந்த நிலையில், கடந்த 2016 ஆம் ஆண்டு டிஎன்பிஎஸ்சி குரூப் 4 தேர்வில் முறைகேடு செய்து விஏஒ வாக பணியாற்றிக்கொண்டிருந்த விழுப்புரம் மாவட்டம் அறியூரை சேர்ந்த நாராயணன் என்கின்ற சக்தி என்பரை போலீசார் கைது செய்து விசாரணை நடத்தினர்.

அவரிடம் நடத்தப்பட்ட விசாரணையில் 2016ஆம் ஆண்டு நடந்த குரூப் 4 தேர்வில் மேலும் நான்கு நபர்கள் முறைகேடு செய்து தற்போது அதிகாரிகளாக பணியாற்றி வருவது தெரியவந்துள்ளது. அவர்களை கைது செய்ய போலீசார் தீவிர நடவடிக்கை மேற்கொண்டு வருகின்றனர்.

அத்துடன், இந்த முறைகேடுகளின் வேறு ஏதேனும் அதிகாரிகளுக்கு தொடர்பு உள்ளதா? என்ற கோணத்திலும் போலீசாரின் விசாரணை நடத்தி வருவது குறிப்பிடத்தக்கது.Conclusion:

For All Latest Updates