தகவல் தொழில்நுட்பம் கோலோச்சியுள்ள இன்றைய உலகில் டிஜிட்டல் தொழில்நுட்பம் தொடர்ச்சியான மாற்றங்களைச் சந்தித்துவருகிறது. இந்தத் தொழில்நுட்பத்தின் வளர்ச்சியில் உலக நாடுகளுடன் போட்டிப்போடும் அளவிற்கு இந்தியா தன்னை மேம்படுத்திக்கொள்ள வேண்டிய சூழல் நிலவிவருகிறது.
ஐ.எம்.டி. (IMD) எனப்படும் சுவிட்சர்லாந்து நாட்டைச் சேர்ந்த நிறுவனம் 2019ஆம் ஆண்டுக்கான உலக நாடுகளின் டிஜிட்டல் வளர்ச்சித் திறன் குறித்த தரவரிசைப் பட்டியலை வெளியிட்டுள்ளது. அதில் இந்தியா நான்கு இடங்கள் முன்னேறியுள்ளது. கடந்தாண்டு 48ஆவது இடத்திலிருந்த இந்தியா 44ஆவது இடத்திற்கு முன்னேறியுள்ளது.
டாப் 10 நாடுகளின் பட்டியல்
- அமெரிக்கா
- சிங்கப்பூர்
- ஸ்வீடன்
- டென்மார்க்
- சுவிட்சர்லாந்து
- நெதர்லாந்து
- பின்லாந்து
- ஹாங்காங்
- நார்வே
- தென்கொரியா
இது குறித்து அந்த அமைப்பின் இயக்குநர் அர்துரோ பிரிஸ், "இந்தாண்டு இந்தியா, இந்தோனேசியா ஆகிய நாடுகள் முறையே நான்கு மற்றும் ஆறு இடங்கள் முன்னேற்றம் கண்டுள்ளன. சிறப்பான பயிற்சி தொழில்நுட்ப கட்டமைப்பின் ஆக்கப்பூர்வமான நடவடிக்கைகளால் இந்த மாற்றம் நிகழ்ந்துள்ளது" எனப் பாராட்டு தெரிவித்துள்ளார்.
இதையும் படிங்க: செயற்கை நுண்ணறிவுப் பயிற்சி இந்தியாவை உயர்த்தும் - இன்போசிஸ் முன்னாள் சி.இ.ஓ. கருத்து
