டெல்லியில் 38ஆவது ஜிஎஸ்டி கவுன்சில் கூட்டம் மத்திய நிதி அமைச்சர் நிர்மலா சீதாராமன் தலைமையில் நேற்று நடைபெற்றது. இந்த கூட்டத்தில் ஜிஎஸ்டி சம்மந்தமாக சில முக்கிய முடிவுகள் எடுக்கப்பட்டன.
- லாட்டரிக்கு 28 விழுக்காடு ஜிஎஸ்டி:
தமிழ்நாட்டைப் பொறுத்தவரை லாட்டரி விற்பனைத் தடை செய்தியிருந்தாலும், பல மாநிலங்களில் லாட்டரி சீட்டுகள் பெரும் அளவில் விற்பனை ஆகி வருகிறது. நேற்று நடைபெற்ற கூட்டத்தில் மாநில அரசுகள் மற்றும் தனியார் விற்பனை செய்யும் லாட்டரிக்கு 28 விழுக்காடு ஜிஎஸ்டி விதிக்கப்படும் என்று அறிவிக்கப்பட்டுள்ளது.
தற்போது அரசு நடத்தும் லாட்டரிக்கு 12 விழுக்காடும், அரசு அங்கீகாரத்துடன் மாநிலங்களுக்கு வெளியே விற்கப்படும் லாட்டரிக்கு 28 விழுக்காடும் ஜிஎஸ்டி விதிக்கப்பட்டு வருகிறது. ஆனால், அடுத்த ஆண்டு மார்ச் 1ஆம் தேதிக்குப் பிறகு இரண்டு வகையான லாட்டரிக்கும் ஒரே ஜிஎஸ்டி வரி விதிக்கப்படும்.
- வோவன் பைகள் மற்றும் வோவன் இல்லா பைகளுக்கு 18 விழுக்காடு ஜிஎஸ்டி
வோவன் பைகள் மற்றும் வோவன் இல்லா பைகளுக்கு 18 விழுக்காடு ஜிஎஸ்டி விதிக்கப்படுவதாகக் கூட்டத்தில் முடிவெடுக்கப்பட்டுள்ளது.
- வடகிழக்கு மாநிலங்களுக்கு 2019 நவம்பர் மாதத்திற்கான ஜிஎஸ்டி நீட்டிப்பு
ஒரு சில வடகிழக்கு மாநிலங்களுக்கு 2019 நவம்பர் மாதத்திற்கான ஜிஎஸ்டி வருமானத்தைத் தாக்கல் செய்ய வேண்டிய தேதி நீடிக்கப்பட்டுள்ளது .
- இன்புட் கிரெடிட் டாக்ஸ் (Input Credit Tax) குறைப்பு
உள்ளீட்டு வரிக் கடன் என்று அழைப்பப்படும் இன்புட் கிரெடிட் டாக்ஸ் 20 விழுக்காடில் இருந்து 10 விழுக்காடாகக் குறைப்பட்டுள்ளது
- 2020இல் அறிமுகப்படுத்தப்படும் பல்வேறு சட்டத் திருத்தம்
2020 வரவு செலவுத் திட்டத்தில் அறிமுகப்படுத்தப்படும் பல்வேறு சட்டத் திருத்தங்களுக்கும் கவுன்சில் ஒப்புதல் அளித்தது.
38ஆவது ஜிஎஸ்டி கவுன்சில் கூட்டத்தில் பல்வேறு மாநில அமைச்சர்கள் கலந்து கொண்டனர் என்பது குறிப்பிடத்தக்கது.
இதையும் படிங்க: பிராந்திய மக்களுக்கே முன்னுரிமை; வேலை வாய்ப்பின்மையை தீர்க்க முடியுமா?
