ஆன்லைன் வணிகத்தில் மாபெரும் நிறுவனமான அமேசான் இந்தியாவில் மிக சிறப்பாக செயல்படுவதை அறியும் வகையில் மிகப்பெரிய கிளை ஒன்றை நேற்று ஹைதராபாத்தில் தொடங்கியது. பெரும் உள்கட்டமைப்புடன் சுமார் 10,000 பேர் பணிபுரியும் அளவுக்கு இந்த கிளை உருவாக்கப்பட்டுள்ளது.
இந்நிலையில் விநியோகத்தை விரைவுப்படுத்தும் வகையில் சென்னையில் புதிய விநியோக நிலையத்தை இன்று அந்நிறுவனம் தொடங்கியுள்ளது.
நகரம் முழுவதும் விநியோகத்தை விரைவுப்படுத்த மிகப்பெரிய விநியோக நிலையமாக தொடங்கப்பட்டு இது செயல்பட்டாலும் நாமக்கல், சிவகாசி, கிருஷ்ணகிரி, திருவள்ளூர், திருச்செங்கோடு போன்ற நகரங்களில் உள்ள விநியோக நிலையங்களையும் விரிவுப்படுத்துவோம் என அந்நிறுவனம் சார்பில் தெரிவிக்கப்பட்டுள்ளது.
தமிழ்நாட்டில் நாளுக்கு நாள் அதிகரிக்கும் வடியாளர்களால், மகிழ்ச்சி அடைந்திருக்கும் அமேசான் நிறுவனம் விரிவுப்படுத்தப்பட்ட விநியோக நிலையத்தின் மூலம் சுமார் ஆயிரத்திற்கும் மேற்பட்ட தமிழர்கள் வேலைவாய்ப்பு பெறுவார்கள் எனவும் தெரிவித்துள்ளது.
