தஞ்சாவூர் மாவட்டம், பட்டுக்கோட்டை அடுத்த துவரங்குறிச்சிமுக்கூட்டு சாலை பகுதியில் தம்பிக்கோட்டை வடகாடு வாய்க்கால் ஓடுகிறது.
இந்த வாய்க்காலில் இன்று (ஜூலை20) சுமார் 45 வயது மதிக்கத்தக்க ஆண் பிணம் ஒன்று அழுகிய நிலையில் ஒதுங்கி கிடந்தது.
இதைப் பார்த்தவர்கள் உடனே அப்பகுதி கிராம நிர்வாக அலுவலருக்கும், காவல்துறை இன்ஸ்பெக்டர் பெரியசாமிக்கு தகவல் கொடுத்தனர்.
இந்தத் தகவலின்பேரில் விரைந்து வந்த காவலர்கள், அந்த உடலை கைப்பற்றி உடற்கூறு ஆய்வுக்காக பட்டுக்கோட்டை அரசு மருத்துவமனைக்கு அனுப்பி வைத்தனர்.
மேலும் வழக்குப்பதிவு செய்த காவல்துறையினர் இறந்தவர் யார்? யாராவது இவரை கொலை செய்து வாய்க்காலில் வீசினார்களா அல்லது ஆற்றில் குளிக்கும்போது இறந்தாரா என்ற கோணத்திலும் விசாரணை நடத்திவருகின்றனர்.
இதையும் படிங்க: கறுப்பர் கூட்டம் சேனலை முடக்க யூடியூப் நிர்வாகத்து பரிந்துரை!
