தமிழ்நாட்டில் நாளுக்குநாள் கரோனா நோய்த்தொற்று அதிகரித்து வரும் நிலையில் பல்வேறு மாவட்டங்கள் மற்றும் மாநிலங்களில் இருந்து வரும் வாகனங்களை கண்காணிக்க திருப்பத்தூர் மாவட்டத்தில் 6 எல்லைகளில் சோதனைச் சாவடிகள் அமைத்து வருவாய்த்துறை, காவல் துறை, ஊரகத் துறை என அனைத்துத் துறை அதிகாரிகள் தலைமையில், கூடுதலாக ஊழியர்களை நியமித்து, தீவிரக் கண்காணிப்புப் பணிகளில் ஈடுபட்டு வருகின்றனர்.
வெளிமாவட்டங்களில் இருந்து வரும் ஒவ்வொரு வாகனத்தையும் தீவிர சோதனை செய்து, இ-பாஸ் இருந்தால் மட்டுமே அனுமதிக்கின்றனர். பாஸ் இல்லாமல் நுழைபவர்களை திருப்பி அனுப்புகின்றனர். இந்நிலையில் இன்று (ஜூன்17) மாவட்டத்தில் அமைக்கப்பட்டுள்ள, 6 சோதனைச் சாவடிகளையும் மாவட்ட ஆட்சியர் சிவன் அருள் ஆய்வு மேற்கொண்டார்.
