ஐரோப்பிய யூரோப்பா லீக் கால்பந்து தொடர் இறுதிக் கட்டத்தை எட்டியுள்ளது. இதில், ஆர்சனல் (இங்கிலாந்து), வெலன்சியா (ஸ்பெயின்) அணிகளுக்கு இடையிலான இரண்டாம் கட்ட அரையிறுதிப் போட்டி, வெலன்சியா அணியின் சொந்த மைதானமான மெஸ்டாலாவில் (Mestalla) நேற்று நடைபெற்றது.
இதில், சிறப்பான ஆட்டத்தை வெளிப்படுத்திய ஆர்சனல் அணி 4-2 என்ற கோல் கணக்கில் வெற்றிபெற்றது. ஆர்சனல் அணி தரப்பில் அபுமெயங் ஹாட்ரிக் கோல் அடித்தார். முன்னதாக, இவ்விரு அணிகளுக்கு இடையே, எமிரேட்ஸ் மைதானத்தில் நடைபெற்ற முதல் கட்ட அரையிறுதிப் போட்டியில், ஆர்சனல் அணி 3-1 என்ற கோல் கணக்கில் வென்றது.
இதன் மூலம், ஆர்சனல் அணி 7-3 என்ற கோல் அடிப்படையில் வெலன்சியாவை வீழ்த்தி இறுதிச் சுற்றுக்கு முன்னேறியது. இதைத்தொடர்ந்து, மே 29ஆம் தேதி நடைபெறவுள்ள இறுதிச் சுற்றில் செல்சி அணியை, ஆர்சனல் அணி எதிர்கொள்கிறது.
