விழுப்புரம் மாவட்டம், செஞ்சி திமுக சட்டப்பேரவைத் தொகுதி உறுப்பினராக இருந்து வருபவர் கே.ஜி.மஸ்தான். இவர் நேற்று, செஞ்சி அருகேயுள்ள ஓட்டம்பட்டு பகுதியில் கரோனாவால் பாதிக்கப்பட்ட மக்களுக்கு நிவாரணப் பொருட்கள் வழங்கியுள்ளார். தொடர்ந்து அவருக்கு அங்கிருந்த ஆரம்ப சுகாதார நிலையத்தில் கரோனா பரிசோதனை செய்யப்பட்டது.
அதைத் தொடர்ந்து இன்று வெளியான பரிசோதனை முடிவில் மஸ்தானுக்கு கரோனா தொற்று இருப்பது உறுதி செய்யப்பட்டுள்ளது. இதனையடுத்து அவர் சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சைப் பெற்று வருகிறார்.
கரோனாவால் பாதிக்கப்படும் திமுகவைச் சேர்ந்த நான்காவது நபர் இவர் என்பது குறிப்பிடத்தக்கது.
