கல்யாண் சிங் பெயரில் புற்றுநோய் மையம் - யோகி ஆதித்யநாத்

உத்தரப் பிரதேச மாநிலத்தில் உள்ள புற்றுநோய் மையம், அரசு மருத்துவக் கல்லூரிக்கு கல்யாண் சிங் பெயர் சூட்டப்படும் என யோகி ஆதித்யநாத் கூறியுள்ளார்.

உத்தரப் பிரதேச மாநிலத்தின் முன்னாள் முதலமைச்சரும், பாஜக மூத்த தலைவருமான கல்யாண் சிங் ஆகஸ்ட் 21ஆம் தேதி மறைந்தார். அவரது இறுதி சடங்கு லக்னோவில் நடைபெற்றது.

பிரதமர் நரேந்திர மோடி, உள்துறை அமைச்சர் அமித் ஷா உள்ளிட்ட மூத்த தலைவர்கள் அனைவரும் கல்யாண் சிங்கிற்கு நேரில் அஞ்சலி செலுத்தினர்.

ராம் ஜென்ம பூமி இயக்கத்தில் தீவிரமாக தன்னை ஈடுபடுத்திக்கொண்ட கல்யாண், அயோத்தியில் பாபர் மசூதி இடிப்பு சம்பவம் நிகழ்ந்தபோது மாநிலத்தின் முதலமைச்சராக இருந்தார். இதற்காக அவரது ஆட்சி கலைக்கப்பட்டது.