நெடுஞ்சாலை ஓடுபாதையில் போர் விமானங்களை தரையிறக்கும் ஒத்திகை...

நெடுஞ்சாலை ஓடுபாதையில் போர் விமானங்களைத் தரையிறக்கும் ஒத்திகை, தென் இந்தியாவில் முதல் முறையாக ஆந்திராவில் சோதனை நடத்தப்பட்டதாக இந்திய விமானப்படை அதிகாரிகள் தெரிவித்துள்ளனர்.

பாப்ட்லா: ஆந்திர பிரதேச மாநிலம் பாப்ட்லா தேசிய நெடுஞ்சாலை பகுதியில் விமானங்கள் தரையிறங்க ஏதுவாக ஓடுதள பாதை அமைக்கப்பட்டு உள்ளது. பிச்சிகலகுடிபடு கிராமத்தை ஒட்டிய தேசிய நெடுஞ்சாலையில் இந்த ஓடுதள பாதை அமைக்கப்பட்டு உள்ளது.

தேசிய நெடுஞ்சாலையில், ஏறத்தாழ 4.1 கிலோ மீட்டர் தூரத்திற்கு விமான அவசரகால தரையிறக்கப் பாதை அமைக்கப்பட்டுள்ளது. இதையடுத்து ஓடுதள பாதையில் இந்திய விமானப் படையின் விமானங்களைத் தரையிறக்கும் ஒத்திகை நடைபெற்றது.

இந்திய விமானப் படையின் சுகாய் போர் விமானங்கள் ஒத்திகையில் ஈடுபட்டன. தேஜஸ் இலகு ரக போர் விமானம், இரு சுகாய் SU ரக போர் விமானங்கள், இந்திய ராணுவத்தின் AN-32 போக்குவரத்து விமானங்கள் ஓடுதள பாதையில் தரையிறக்கி ஒத்திகை பார்க்கும் பணிகள் நடைபெற்றன.