டெல்லி: இந்தியாவில் இதுவரை கரோனா வைரசால் பாதிக்கப்பட்டவர்களின் எண்ணிக்கை சுமார் 96.5 லட்சத்தைக் கடந்துள்ளது. பாதிக்கப்பட்டவர்கள் பலர் குணமடைந்திருப்பினும், மக்கள் மேலும் தொற்றால் பாதிக்கப்படாமல் இருக்கவும், தொற்றுப் பரவலைக் கட்டுப்படுத்தவும் இந்திய மருந்து நிறுவனங்கள் உள்பட பல்வேறு மருந்து நிறுவனங்கள் கரோனா தடுப்பு மருந்தினைத் தயாரிக்கும் முனைப்பில் செயல்பட்டுவருகின்றன.
இந்நிலையில், இந்தியாவில் கோவிஷீல்ட் என்ற ஆக்ஸ்போர்டு நிறுவனத்தின் தடுப்பு மருந்து மூன்றாம்கட்ட பரிசோதனையில் வெற்றி பெற்றதையடுத்து, இந்தத் தடுப்பூசி இந்தியாவில் புனேவிலுள்ள சீரம் நிறுவனத்தால் ஆய்வுக்குள்படுத்தப்பட்டது. தற்போது இந்தத் தடுப்பு மருந்து இந்திய மருத்துவ ஆராய்ச்சிக் கழகத்தின் உதவியுடன் பல்வேறு பகுதிகளில் பரிசோதிக்கப்பட்டுவருகிறது.
முன்னதாக அமெரிக்க மருந்து நிறுவனமான ஃபைசரின் இந்தியப் பிரிவு, இங்கிலாந்திலும் பஹ்ரைனிலும் தடுப்பூசிக்கு அவசரகால பயன்பாட்டு அங்கீகாரம் பெற்றதைத் தொடர்ந்து, இந்தியாவிலும், கோவிஷீல்ட் தடுப்பூசிக்கு அவசரகால பயன்பாட்டு அங்கீகாரம் வழங்க வேண்டும் என வலியுறுத்திய இந்திய சீரம் நிறுவனம் இந்திய மருந்துகள் கட்டுப்பாட்டு ஜெனரலுக்கு கோரித்தைவிடுத்துள்ளது. இந்த நிறுவனம், அவசரகால பயன்பாட்டு அங்கீகாரம் கோரிய முதல் இந்திய நிறுவனம் என்பது குறிப்பிடத்தக்கது.
இதையும் படிங்க: நாட்டில் கரோனா நிலவரம்: பாதிப்பு 96 லட்சமாக அதிகரிப்பு
