நாட்டில் கரோனா இரண்டாவது அலை தீவிரமெடுத்துவரும் நிலையில், மத்திய அரசு கரோனா நிலைமையை உரிய வகையில் கையாளவில்லை என எதிர்க்கட்சிகள் விமர்சனம் செய்துவருகின்றன.
அந்த வகையில் காங்கிரஸ் மூத்தத் தலைவரும், முன்னாள் நிதியமைச்சருமான ப. சிதம்பரம் விமர்சனம் செய்துள்ளார்.
அதன்படி, ப. சிதம்பரம் சுகாதார அமைச்சரின் ட்விட்டர் பதிவை ரீ-ட்வீட் செய்துள்ளார்.
அதில், "மே தினம்! மே தினம்! 2021 கப்பல் 130 கோடியுடன் மூழ்கிவருகிறது. எங்களைக் காப்பாற்றுங்கள்! குறைந்தபட்சம் என்னையாவது காப்பாற்றுங்கள்!" என விமர்சனம் செய்துள்ளார்.
கரோனா தொற்றால் கடந்த 24 மணி நேரத்தில் நான்கு லட்சத்து ஆயிரத்து 993 புதிய பாதிப்புகள் உறுதியாகியுள்ளன. மூன்றாயிரத்து 523 பேர் உயிரிழந்தனர் என மத்திய சுகாதாரம் மற்றும் குடும்ப நல அமைச்சகம் தெரிவித்துள்ளது.
