டெல்லி: தலைநகர் டெல்லியில் கடந்த சில நாட்களாக கரோனா, இன்புளுயன்சா மற்றும் பிற சுவாச பிரச்சினகள் அதிகரித்து வருகிறது. இந்நிலையில் ஒவ்வொரு தொற்றுக்கும் தனித்தனியாக பரிசோதனை மேற்கொள்வதை தடுக்க தனியார் மருத்துவமனைகள் மற்றும் ஆய்வகங்கள் விரிவான தொகுப்புகளை வழங்குவதாக தெரிவித்து உள்ளன.
இந்நிலியில், இந்திய மருத்துவ ஆராய்ச்சு கவுன்சில் நோய்த் தொற்று தடுப்புக்கான வழிகாட்டு முறைகளை அறிவித்து உள்ளது. அதில் இன்புளுயன்சா, கரோனா மற்றும் சுவாச பிரச்சினைகள் ஏற்படுத்தும் வைரஸ்கள், பொதுவாக இருமல், மூக்கு ஒழுகுதல் மற்றும் காய்ச்சல் போன்ற அறிகுறிகளை கொண்டு உள்ளதாக தெரிவிக்கப்பட்டு உள்ளன.
இன்புளுயன்சா ஏ வகை வைரஸ் எச்3என்2 வைரசின் துணை வகையைச் சேர்ந்தது என்றும் தற்போது இந்த வகை வைரசால் காய்ச்சல் பாதிப்புகள் அதிகரித்து வருவதாகவும் இந்திய மருத்துவ ஆராய்ச்சி கவுன்சில் தெரிவித்துள்ளது. நாடு முழுவதும் உள்ள மருத்துவமனைகளில் கடந்த சில மாதங்களாக அதிக எண்ணிக்கையிலான காய்ச்சல் பாதிப்புகள் பதிவாகி வருவதாகவும், இந்தியா பொதுவாக பருவகால காய்ச்சலின் இரண்டு உச்சங்களைக் காண்கிபதாகவும் அதில் ஜனவரி முதல் மார்ச் வரை மற்றும் பருவமழைக்குப் பிந்தைய காலம் என வகுக்கலாம் என்றும் ஐசிஎம்ஆர் தெரிவித்து உள்ளது.
வைரஸ் தொற்றுகளின் அதிகரிப்பைக் கருத்தில் கொண்டு, கோவிட், இன்புளுயன்சா, பாராயின்ஃப்ளூயன்ஸா வைரஸ்கள், மெட்டாப் நியூமோவைரஸ், அடினோவைரஸ், என்டோவைரஸ் உட்பட 17 நோய்க் கிருமிகளைக் கொண்ட மல்டிபிளக்ஸ் பிசிஆர் அடிப்படையிலான விரிவான காய்ச்சல் குழு டெல்லியில் அறிமுகப்படுத்தப்பட்டு உள்ளன.
இந்த குழு வழங்கும் தொகுப்பில் பாக்டீரியாக்கள் மற்றும் தற்போதைய காய்ச்சலை ஏற்படுத்தும் வைரஸ்களின் அனைத்து பொதுவான சுழற்சி விவரங்கள் உட்பட 22 நோய்க் கிருமிகளை சோதிக்கிறது தன்மை கொண்ட கருவிகள் வழங்கப்படுகின்றன். இந்த பரிசோதனையின் மூலம் சில மணி நேரங்களில் எந்த வகையிலான கிருமி தாக்குதலுக்கு உள்ளாக்கப்பட்டு உள்ளோம் என்ற முடிவுகளை பெற முடியும் எனத் தெரிவிக்கப்பட்டு உள்ளது.
அதேநேரம் அதிக உணர்திறன் கொண்ட கருவி நோய்க் கிருமியின் நியூக்ளிக் அமிலத்தைக் கண்டறிவதால், பரிசோதனைக்கு முன் நோயாளி எடுத்துக் கொண்ட எந்த நுண்ணுயிர் எதிர்ப்பிகளாலும் பாதிக்கப்படாது என தெரிவிக்கப்பட்டு உள்ளது.
இதையும் படிங்க: புலனாய்வு அமைப்புகளின் சுதந்திரத்தில் குறுக்கீடா? - மத்திய அரசுக்கு எதிராக திமுக, 14 எதிர்க்கட்சிகள் உச்ச நீதிமன்றத்தில் மனு!
