தமிழ்நாட்டைப் போல் புதுச்சேரியிலும் பெட்ரோல் விலை 100 ரூபாயைத் தாண்டி விற்பனை செய்யப்பட்டுவந்தது. பல மாநிலங்களில் விலை குறைப்பைச் சுட்டிக்காட்டி, பெட்ரோல், டீசல் விலையை குறைக்க வேண்டுமென எதிர்க்கட்சிகள் குரல் எழுப்பிவந்தன. இந்நிலையில், பெட்ரோல் மீதான 3 விழுக்காடு வாட் வரியைக் குறைப்பதற்கான அமைச்சரவையின் முடிவுக்குத் துணைநிலை ஆளுநர் தமிழிசை ஒப்புதல் அளித்துள்ளார்.
அதன்படி, பெட்ரோல் விலை லிட்டருக்கு ரூ. 2.43 குறைகிறது. கடந்த ஆறு மாதங்களில், இரண்டாவது முறையாக பெட்ரோல் விலை புதுச்சேரியில் குறைக்கப்பட்டுள்ளது. பிப்ரவரி 21ஆம் தேதி துணைநிலை ஆளுநர் ஆட்சியின்போது, முதன்முதலாக பெட்ரோல் விலை குறைக்கப்பட்டது.
புதுச்சேரி மாநில பட்ஜெட் கூட்டத்தொடர் இன்று தொடங்கவுள்ள நிலையில், நேற்று பெட்ரோல் விலை குறைக்கப்பட்டுள்ளது. முன்னதாக, தமிழ்நாட்டிலும் பெட்ரோல் விலை மூன்று ரூபாய் குறைக்கப்பட்டது குறிப்பிடத்தக்கது.
இதையும் படிங்க: 'அதிமுக ஆட்சியில் அம்மா உணவகத்திற்கு நிதி ஒதுக்கவில்லை' - அமைச்சர் கே.என்.நேரு
