மே 3ஆம் தேதி வரை ராஜஸ்தானில் அலுவலகங்கள், சந்தைகள் மூடல்

கரோனா வைரஸ் பரவுவதைக் கட்டுப்படுத்தும் முயற்சியில், ராஜஸ்தான் மாநில அரசு இன்று (ஏப்.19) முதல் மே 3ஆம் தேதி வரை அலுவலகங்களையும் சந்தைகளையும் மூட உத்தரவிட்டுள்ளது.

இது குறித்து அம்மாநில உள்துறை செயலர் அபய் குமார் வெளியிட்டுள்ள அறிக்கையில், ’ஜான் அனுஷஹான் பக்வாடா’ என்று அழைக்கப்படும் அத்தியாவசிய சேவைகளை வழங்கும் கடைகளும் அலுவலகங்களும் மட்டுமே இந்த 15 நாள்கள் காலகட்டத்தில் திறக்கப்படும் எனத் தெரிவிக்கப்பட்டுள்ளது. மேலும்,

• பழங்கள், காய்கறிகளின் விற்பனை இரவு ஏழு மணி வரை அனுமதிக்கப்படும்.
• ராஜஸ்தானுக்குள் நுழைவோர் பயணத்திற்கு 72 மணி நேரத்திற்கு முன்னர் பெறப்பட்ட ஆர்டி - பிசிஆர் நெகட்டிவ் அறிக்கையைக் காட்ட வேண்டும்.
• அதிகாலை நான்கு மணி முதல் காலை எட்டு மணி வரை செய்தித்தாள்கள் விநியோகிக்க அனுமதி உண்டு.
• முன்னதாக, ராஜஸ்தான் மாநில அரசு ஏப்ரல் 16ஆம் தேதி முதல் மாநிலம் முழுவதும் இரவு நேர ஊரடங்கு வித்திருந்தது. மேலும், அனைத்து கல்வி மற்றும் பயிற்சி நிறுவனங்களும் ஏப்ரல் 30அம் தேதி வரை மூடப்படும் என்றும் தெரிவிக்கப்பட்டிருந்தது.
• தனியார் விழாக்கள், திருமணங்கள் மற்றும் பிற சமூகக் கூட்டங்களில் பங்குபெறுவோரின் எண்ணிக்கை 50ஆக நிர்ணயிக்கப்பட்டுள்ளது.
• முன்னதாக அறிவிக்கப்பட்டபடி, இறுதிச் சடங்கில் 20க்கும் மேற்பட்ட நபர்கள் அனுமதிக்கப்பட மாட்டார்கள் எனத் தெரிவிக்கப்பட்டுள்ளது.
• மேலும், சினிமா அரங்குகள், மல்டிபிளெக்ஸ், கேளிக்கை பூங்காக்களை மூடவும் அரசு உத்தரவிட்டுள்ளது.

இதையும் படிங்க: ’ரெம்டிசிவிர் போதுமான அளவில் உற்பத்தி செய்யப்படுகிறது’ - அமித் ஷா