புதுச்சேரி முன்னாள் காங்கிரஸ் சட்டப்பேரவை உறுப்பினர் ஜெயமூர்த்தி (62) மாரடைப்பால் இன்று (மே.19) காலமானார். இவருக்கு மனைவியும் இரண்டு மகள்களும் உள்ளனர்.
அரியாங்குப்பம் சட்டப்பேரவைத் தொகுதியில் இரண்டு முறை காங்கிரஸ் சார்பில் போட்டியிட்டு எம்எல்ஏவாகத் தேர்ந்தெடுக்கப்பட்டார். காங்கிரஸ் கட்சியைச் சேர்ந்த இவர், கடந்த சட்டப்பேரவைத் தேர்தலில் போட்டியிட்டு தோல்வியுற்றார்.
இந்நிலையில் இன்று பிற்பகல் அவருக்கு இருதயத்தில் வலி ஏற்பட்டுள்ளது. இதனையடுத்து மருத்துவமனையில் சிகிச்சைக்காக அவர் அனுமதிக்கப்பட்டார். அவரை பரிசோதித்த மருத்துவர்கள், அவர் மாரடைப்பால் ஏற்கனவே இறந்துவிட்டதாகத் தெரிவித்தனர்.
இவரது மறைவிற்கு என்.ஆர்.காங்கிரஸ் கட்சி சார்பில் இரங்கல் தெரிவிக்கப்பட்டுள்ளது, மேலும் பல்வேறு கட்சியினரும் இரங்கல் தெரிவித்து வருகின்றனர்.
இதையும் படிங்க: புதுச்சேரி நியமன எம்.எல்.ஏ-க்கள் உத்தரவுக்கு தடைகோரி உயர் நீதிமன்றத்தில் மனு
